Ngeche 6:34 - Motingʼo Loko Manyien

³⁴ Nimar nyiego mamako chwor dhakono nyalo kelo tho, omiyo ka ochulo kuor, to nobed maonge ngʼwono kata matin.

MUMA MALER 2015

³⁴ Mirima ma mako chwor dhako en mirimb nyiego, omiyo ka ochulo kuor, to oonge gi miwafu ngang’!

Ngeche 6:34 ပူးပေါင်းရင်းမြစ်များ

Chakruok 39:19

Ka ruodhe nowinjo gima chiege owachone kuom gima jatichne osetimone, iye nowangʼ matek.

2 Samuel 11:5

Dhakono nomako ich mi nooro ni Daudi wach kowacho niya, “Ayach.”

Ngeche 11:4

Mwandu onge gi ohala e ndalo mar mirima, to tim makare reso ngʼato e tho.

Ngeche 27:4

Mirima kwiny to gero pek moloyo, to en ngʼa manyalo chomore gi nyiego?

Ngeche 6:33

Pokne en chwat kod wichkuot kendo nobed gi wichkuot ma ok norum.

Ngeche 6:35

Ok enoyie chudo moro amora; ok enoyie asoya kata obedo ni en gima duongʼ manade.

Wer Mamit 8:6

Para e chunyi kinde duto, kendo wiyi kik wil koda; nikech hera nigi teko mana ka tho, kendo nyiego ma hera nigo tut mana ka bur tho. Herano liel ka mach mabebni, kendo mana ka ligek mach maduongʼ.

Isaya 13:17

Neuru, anakel jo-Media, ma ok dew fedha kendo ok gomb dhahabu mondo omonjgi.

Kwan 25:11

“Finehas wuod Eliazar, ma wuod Harun jadolo, osetieko mirimba kuom jo-Israel; nimar en gi nyiego machal gi mara; mano emomiyo ne ok atiekogi kata obedo nine an kod mirima kodgi kamano.

Kwan 5:14

kendo ka nyiego omako chwor dhakono mi ochich kode, to chiegeno ochido, kata kapo ni nyiego omake kode kendo ochich kode kata obedo ni ok ochido,

1 Jo-Korintho 10:22

Koso wadwaro miyo Ruoth mirima? Waparo ni watek moloye?