Ngeche 6:18 - Motingʼo Loko Manyien

¹⁸ chuny machano chenro maricho, tiende maringo kadhi e richo,

MUMA MALER 2015

¹⁸ mar ang’wen en chuny maparo timo timbe mamono, mar abich en tielo marikni ka dhi timo richo,

Ngeche 6:18 ပူးပေါင်းရင်းမြစ်များ

Chakruok 6:5

Jehova Nyasaye noneno kaka richo dhano ogundho e piny kendo kaka paro duto mag chunye ne mana timo richo seche duto.

Zaburi 36:4

Kata konindo e kitandane, to ochano timo gima rach; oseketo chunye mar luwo yor richo, kendo ok otamre gima rach.

Ngeche 1:16

nikech tiendgi reto piyo piyo mar timo richo kendo gimwomore mondo gichwer remo.

Ngeche 15:26

Jehova Nyasaye odagi paro mar joricho, to jogo ma chunygi ler miye mor.

Ngeche 24:2

nimar chunjegi chano timo mamono to dhogi wacho mana gik makelo chandruok.

Ngeche 24:8

Ngʼat machano gima rach biro ngʼere kaka ja-andhoga.

Isaya 59:7

Tiendegi reto kadhi timo richo; giyot ahinya mondo gichwer remo maonge ketho. Paro manie chunygi gin paro maricho kendo kamoro amora ma gidhiyoe; masira gi chandruok ema dongʼie.

Jeremia 4:14

Yaye Jerusalem, luok timbe mamono manie chunyu mondo iresri. Nyaka karangʼo mi ibiro kano timbe richo e pachi?

Mika 2:1

Mano kaka nobed malit ne joma chano timo richo, ka giriere e kitendinigi! Gokinyi ka chiengʼ wuok to gichopo chenrogi nikech gin gi teko mar timo kamano.

Zekaria 8:17

kik uchan timo marach ni joma ukiewogo, kendo kik uher kwongʼoru gi miriambo. Ok adwar gigi duto,” Jehova Nyasaye owacho.

Jo-Rumi 3:15

“Tiendegi reto kadhi chwero remo;