Ngeche 4:7 - Motingʼo Loko Manyien

⁷ Rieko nigi duongʼ moloyo, omiyo yud rieko. Kata obedo ni mwanduni duto nyalo rumo, to bed gi winjo tiend wach.

MUMA MALER 2015

⁷ Gima berie moloyo minyalo timo en yudo rieko. Kata ka mwanduni duto orumo, to winjo tiend wach ema onego ibedgo.

Ngeche 4:7 ပူးပေါင်းရင်းမြစ်များ

2 Weche mag Ndalo 1:10

Miya rieko kod ngʼeyo mondo atel ne ogandani nimar en ngʼa manyalo telo ni oganda maduongʼ machalo kama?”

Zaburi 119:104

Chikeni miyo abedo gi winjo; emomiyo achayo yo moro amora marach.

Ngeche 16:16

To ber maromo nade yudo rieko moloyo dhahabu, yiero ngʼeyo tiend wach moloyo fedha!

Ngeche 2:4

to ka idware ka fedha kendo imanye ka mwandu mopandi,

Ngeche 21:6

Mwandu moyudi gi lep mariambo en mana tho malal piyo kendo en obeto mar tho.

Ngeche 23:23

Adiera gi rieko gi puonjruok kod ngʼeyo tiend wach ema nyaka iyudi, kata dabed ni ingʼiewogi gi nengo matek.

Ngeche 4:5

Yud rieko kod ngʼeyo matut, wiyi kik wil kod wechena kata weyogi.

Ngeche 8:23

Noyiera aa chakruok manyaka chiengʼ, kapok piny kobetie.

Eklesiastes 4:8

Ne nitiere ngʼama ne ni kende; ne oonge wuowi kata owadgi. Ne otiyo matek ma ok oywe, to kata kamano ne oneno ni mwandune tin. Nopenjo niya, “En ngʼa ma atiyone matek kendo angʼo omiyo atwonora mor?” Ma bende onge tiende, ohala maonge mor!

Eklesiastes 7:12

Rieko en tipo mana kaka pesa bende en tipo, nimar rieko kelo ngima ni ngʼama ni kode.

Luka 10:42

to gimoro achiel kende ema dwarore. Maria oseyiero gima ber moloyo kendo ok nomaye ngangʼ.”

Luka 12:20

“To Nyasaye nowachone ni, ‘In ngʼat mofuwoni! Kawuono gotienoni wangʼ nokaw ngimani. En ngʼa mabiro kawo mago miseloso ne in iwuon?’

Jo-Filipi 3:8

To moloyo mano, koro akwano gik moko duto ka gik maonge tich nikech aseyudo ni ngʼeyo Kristo Yesu Ruodha nigi ohala maduongʼ moloyo. Nikech en, ne aweyo gik moko duto olalna, kendo akwanogi mana kaka yugi, mondo eka ayud Kristo kaka pokna,