Ngeche 4:24 - Motingʼo Loko Manyien

²⁴ Wach ma ok adiera kik aa e dhogi; weche mag miganga kik wuogi e dhogi.

MUMA MALER 2015

²⁴ Kik iwach gimoro ma ok adiera, bende bed mabor gi miriambo kod weche mag miganga.

Ngeche 4:24 ပူးပေါင်းရင်းမြစ်များ

Ayub 11:14

bende ka iweyo timo richo kendo ingʼado ni richo moro amora ok bed e dalani,

Zaburi 34:14

Lokri iwe timbe maricho kendo itim tim maber; many kwe kendo iluwe.

Ngeche 10:32

Lew joma kare ongʼeyo gima owinjore, to dho joricho wacho mana gik mochido.

Ngeche 17:20

Ngʼat man-gi chuny marach ok nyal dhi maber; ngʼat ma lewe riambo podho e chandruok.

Ngeche 19:1

Ber bedo jachan ma wuodhe ok nyal cha, moloyo ngʼat mofuwo ma lewe timo richo.

Ngeche 4:25

Rang mana nyimi tir, ka ichomo wangʼi moriere tir e nyimi.

Ngeche 6:12

Ngʼat mamono kendo jaricho mawuotho awuotha kowacho weche mogak,

Ngeche 8:13

Luoro Jehova Nyasaye en sin gi richo; amon gi sunga kod ngʼayi, timbe maricho kod wuoyo mochido.

Ngeche 8:8

Weche duto mawuok e dhoga gin kare, onge moro kuomgi mobam kata modwanyore.

Ezekiel 18:31

Pogreuru gi ketho duto musetimo, kendo beduru gi chuny manyien kod paro malongʼo. Udwaro ni utho nangʼo, yaye dhood Israel?

Jo-Kolosai 3:8

To koro nyaka ulony oko kit richo duto kaka: ich wangʼ gi mirima gi himruok gi ketho nying ji kod weche mochido.

1 Timotheo 6:5

kod miero ma ok rum e kind joma pachgi osekethore kendo ma adiera oselalnigi. Giparo ni lamo Nyasaye en yor yudo mwandu.

Jakobo 1:21

Kuom mano, lonyuru oko kit kethruok gi richo duto, ma kindegi opongʼo piny kendo bolreuru kurwako wach mopidhi e chunyu, manyalo konyou.

Jakobo 1:26

Ka ngʼato angʼata okawore ni en jalemo, to ok orito lewe motegno to owuondore kende, kendo lemone onge tiende.

1 Petro 2:1

Emomiyo weuru timbe maricho duto kod wuondruok duto, kod dondruok, gi nyiego kod kuoth e yo moro amora.