Ngeche 4:23 - Motingʼo Loko Manyien

²³ To moloyo duto, rit chunyi, nikech en e soko mar ngima.

MUMA MALER 2015

²³ Chunyi e kama ngimani ochakoree, emomiyo rite ka mwanduni migenoe moloyo.

Ngeche 4:23 ပူးပေါင်းရင်းမြစ်များ

2 Ruodhi 10:31

Kata kamano Jehu ne ok oritore kuom mako chike Jehova Nyasaye ma Nyasach Israel gi chunye duto. Bende ne ok olokore e richo Jeroboam, mane omiyo jo-Israel otimo.

Ngeche 11:16

Dhako ma chunye ngʼwon yudo luor, to ji ma kitgi richo yudo mana mwandu kende.

Ngeche 13:3

Ngʼatno morito dhoge orito ngimane, to ngʼatno ma wuoyo karodho wach biro dhiyo e kethruok.

Ngeche 16:17

Yor ngʼat moriere tir kwedore gi richo; ngʼat manono yorene orito ngimane!

Ngeche 22:5

Yore joma timo richo opongʼ gi kudho kod obadho; to ngʼat morito chunye obedo mabor kodgi.

Ngeche 23:19

Wuoda, winja, eka inibed mariek, kendo ket chunyi e yo moriere tir.

Ngeche 28:26

Ngʼat moketo genone kuome owuon ofuwo, to ngʼatno mawuotho e rieko, oritore maonge hinyruok.

Ngeche 3:21

Wuoda, rit ngʼado bura makare kod pogo tiend wach, kik iwe gilalni.

Ngeche 4:7

Rieko nigi duongʼ moloyo, omiyo yud rieko. Kata obedo ni mwanduni duto nyalo rumo, to bed gi winjo tiend wach.

Eklesiastes 5:13

Gima lit maseneno katimore e piny en ni mwandu mopandi inyo mana wuon,

Jeremia 17:9

Chuny en jawuond moloyo gik moko duto kendo ok nyal thiedhe. En ngʼa manyalo ngʼeye?

Mathayo 15:18

To gik mawuok e dhok aa e chuny, kendo gin ema gimiyo ngʼato doko ‘mogak.’

Mathayo 15:19

Nikech chuny ema gik maricho kaka; paro maricho, nek, terruok, chode, kuo, hango wach, gi ketho nying ji wuokie.

Mariko 14:38

Beduru motangʼ kendo lamuru mondo kik udonj e tem. Chuny oikore makmana ringruok ema nyap.”

Luka 6:45

Ngʼat maber golo gik mabeyo mawuok kuom ber mokano e chunye, to ngʼat marach golo gik maricho mawuok kuom rach mokano e chunye. Nimar gik mopongʼo chuny ngʼato ema wuok e dho ngʼato.

Rapar mar Chik 4:9

Beduru motangʼ kendo neuru ni wiu ok owil gi gik museneno gi wangʼu kendo kik uwegi gia e chunyu ka pod ungima. Puonjuru nyithindu kod nyikwau wechegi.

Jo-Hibrania 12:15

Ritreuru mondo une ni onge ngʼato kuomu molal kendo oweyo ngʼwono mar Nyasaye, kendo kik uwe sigu moro bedi e kindu manyalo ketho ji mangʼeny.