Ngeche 4:10 - Motingʼo Loko Manyien

¹⁰ Wuoda, winji kendo yie gima awacho eka higni mag ngimani nobed mangʼeny.

MUMA MALER 2015

¹⁰ Wuoda, winj wachna, kendo par matut gima anyisi, eka inidag aming’a.

Ngeche 4:10 ပူးပေါင်းရင်းမြစ်များ

Ayub 22:22

Rwak puonj mowuok e dhoge kendo kan wechene e chunyi.

Ngeche 19:20

Chik iti ka ingʼadoni rieko kendo rwak puonj, to giko ni inibed mariek.

Ngeche 2:1

Wuoda, ka iyie rwako wechena kendo kano chikena e chunyi;

Ngeche 3:16

Ngima kuom ndalo mangʼeny ni e lwete korachwich; to e lwete koracham nitiere mwandu kod duongʼ.

Ngeche 3:2

nimar gibiro miyo ngimani dhi maber midag higni mangʼeny kendo ibed gi kwe kod mwandu.

Ngeche 8:10

Yier puonjna kar fedha kendo ngʼeyo kar dhahabu mowal,

Jeremia 9:20

Koro, yaye mon, winjuru wach Jehova Nyasaye; yawuru itu ne weche mawuok e dhoge. Puonjuru nyiu dengo; puonjreuru ywak uwegi.

Rapar mar Chik 11:21

mondo ndalo magu kod mag nyithindu omedre e piny mane Jehova Nyasaye osingore ni nomi nyithindu, mondo obed maru nyaka chiengʼ.

Rapar mar Chik 5:16

Luor wuonu gi minu mana kaka Jehova Nyasaye ma Nyasachu osechikou, mondo udagi amingʼa kendo mondo udhi maber e piny ma Jehova Nyasaye ma Nyasachu miyou.

Rapar mar Chik 6:2

Chikegi omiu mondo un, nyithindu kod nyikwau oluor Jehova Nyasaye ma Nyasachu e ndalo duto mag ngimau kurito buchene gi chikene ma amiyou mondo omi udag amingʼa gi mor.

1 Jo-Thesalonika 2:13

Bende wadwokone Nyasaye erokamano kinde duto nikech kane wakelonu Wach Nyasaye, to nuwinje murwake, ok ka wach dhano, to nurwake ka Wach Nyasaye adier mana kaka en. Wachno koro chopo dwaro Nyasaye e ngimau, un joma oyie.

1 Timotheo 1:15

Wach mar adier mowinjore ji oyiego chuth en ni Kristo Yesu nobiro e piny mondo owar joricho, to an e jaricho marachie moloyo joricho duto.