Ngeche 3:34 - Motingʼo Loko Manyien

³⁴ Ojaro jojaro masungore to ochiwo ngʼwono ni joma obolore.

MUMA MALER 2015

³⁴ Wi Ruoth Nyasaye tek ni joma wigi tek, to okecho jogo ma obolore.

Ngeche 3:34 ပူးပေါင်းရင်းမြစ်များ

Zaburi 138:6

Jehova Nyasaye rango joma obolore kata obedo ni en malo to josunga to ongʼeyo kata kapod gin gichien.

Zaburi 18:26

ne jomaler, inyisori kaka ngʼama ler, to ne joma yoregi obam, inyisori kaka ngʼama rach.

Ngeche 1:26

An to ananyieru bangʼe ka un e chandruok; Anajaru ajara ka masira oloyou,

Ngeche 14:9

Joma ofuwo jaro kowachnegi mondo giwe richo, to ngʼwono iyudo kuom joma kare.

Ngeche 16:19

Ber bedo gi chuny mobolore e dier jochan, moloyo pogo gik moyaki gi josunga.

Ngeche 19:29

Kum oket mana ne jo-achaya, to chwat ne ngʼe joma ofuwo.

Ngeche 21:24

Ngʼat ma jasunga kendo jawuorre “Jajaro” e nyinge; otingʼore malo ka osungore malich.

Ngeche 9:12

Ka iriek, riekoni nomiyi ohala, ka ijajaro, to in iwuon ema ibiro hinyori.

Isaya 57:15

Nimar ma e gima Jal Man Malo Moloyo ma en Jal modak nyaka chiengʼ, ma nyinge ler wacho, “Adak kama ler man malo, kaachiel gi ngʼat mofwenyo richone kendo man-gi chuny mobolore, mondo aduog chuny ngʼat moboloreno kendo ajiw chuny ngʼat mofwenyo richone.

Jakobo 4:6

To kata kamano omiyowa ngʼwono maduongʼ moloyo, mano emomiyo Muma wacho niya, “Nyasaye osin gi josunga, to ochiwo ngʼwono ne joma muol.”

1 Petro 5:5

Un jomatindo bende chiwuru luor ni jomadongo. Rwakreuru gi muolo e kindu ngʼato gi ngʼato, nikech Muma wacho niya, “Nyasaye osin gi josunga to ochiwo ngʼwono ne joma muol.”