Ngeche 3:3 - Motingʼo Loko Manyien

³ Kik iwe hera kod adiera weyi; twegi e ngʼuti, kendo ndikgi e chunyi maiye.

MUMA MALER 2015

³ Kik iwe luoro kod adiera lalni, to tuegi e ng’uti, kendo ndikgi e chunyi.

Ngeche 3:3 ပူးပေါင်းရင်းမြစ်များ

2 Samuel 15:20

Yande eka ibiro ka. To koro tinendeni ere kaka diwuoth kodwa kamoro amora, to an akia kuma adhiye? Dogi mondo ikaw jothuru idhigo. Mad ngʼwono gi adieri bed kodi.”

Zaburi 119:11

Asekano wachni ei chunya mondo kik akethi e nyimi.

Zaburi 25:10

Yore duto mag Jehova Nyasaye opongʼ gihera kod adiera ni joma rito gik moko duto ma singruokne dwaro.

Zaburi 85:10

Hera gi adiera biro riwore kanyakla, kendo tim makare gi kwe biro nyodhore.

Wuok 13:9

Raparni biro bedonu kaka ranyisi e lwetu kendo e lela wangʼu ni chik Jehova Nyasaye nyaka bed e dhou kinde duto, Jehova Nyasaye nogolou e piny Misri gi lwete maratego.

Wuok 34:6

Kendo nokadho e nyim Musa kohulo niya, Jehova Nyasaye, Jehova Nyasaye, ma jangʼwono kendo ma kecho ji, ahora mos bende agundho gihera kod adiera,

Ngeche 1:9

Ginibedni kaka kondo michwowo e wiyi, kendo kaka thiwni miketo e ngʼuti mondo ineri maber.

Ngeche 14:22

Donge jogo machano marach lal nono? To jogo machano gima ber yudo hera kendo imiyogi luor.

Ngeche 16:6

Nikech hera kod adiera ema omiyo richo otimne misango, kuom luoro Jehova Nyasaye miyo ngʼato kwedo richo.

Ngeche 20:28

Hera kod adiera miyo ruoth bedo gi kwe, nikech hera, lochne bedo motegno.

Ngeche 6:21

Kan-gi ka ipandogi e chunyi nyaka chiengʼ; twegi e ngʼuti motegno.

Ngeche 7:3

Twegi e lith lweti kendo ndikgi e chunyi maiye.

Jeremia 17:1

Jehova Nyasaye wacho niya, “Richo mar Juda ondik gi kalamb chuma; ogor gi gima bith e chunygi, kendo e tunge kende mag misango miwangʼoe liswa.

Hosea 4:1

Winjuru wach Jehova Nyasaye, un jo-Israel, nikech Jehova Nyasaye nigi wach modonjonugo, un ji modak e piny: “Onge adiera, onge hera, bende udagi yie ni Nyasaye nitie e piny.

Malaki 2:6

Puonj madier ema ne ni e dhoge kendo miriambo kata achiel ne ok oyud e dhoge. Nowuotho koda gi kwe kod ratiro, kendo noloko ji mangʼeny oa e richo.

Mathayo 23:23

“Unune malit un jopuonj chik gi jo-Farisai mawuondoregi! Uchiwo achiel kuom apar mar gik ma milimili kaka kado, apoth kod onyulo. To ok usedewo gik madongo moloyo ma chik dwaro, kaka adiera gi kech kod yie. Owinjore ne utim gik ma achien-go ka ok uweyo mak utimo mokwongogo.

2 Jo-Korintho 3:3

Unyiso ni un barupe moa kuom Kristo, ma tijwa okelo, ma ok ondiki gi wino, to mondiki gi Roho Maler mar Nyasaye mangima, bende ok ma ondiki e kite mopa, to mondiki e chuny dhano.

Jo-Efeso 5:9

(nikech gima olemo mar ler nyago otingʼo gik mabeyo duto, gi gik makare kod gik ma adier),

Rapar mar Chik 6:8

Twegiuru e ngʼut lweteu kaka ranyisi kendo bawgiuru e lela wengeu.

Jo-Hibrania 10:16

“Jehova Nyasaye owacho ni singruok ma anatim kodgi bangʼ ndalogo, abiro keto chikena e chunygi, kendo ndikogi e pachgi.”