Ngeche 3:24 - Motingʼo Loko Manyien

²⁴ ka inindo, to ok inibed maluor, kendo ininind mayom nyaka piny ru.

MUMA MALER 2015

²⁴ Ok nibed maluor ka idhi nindo, kendo ininind maber nyaka piny ru.

Ngeche 3:24 ပူးပေါင်းရင်းမြစ်များ

2 Weche mag Ndalo 20:30

Kamano pinyruoth Jehoshafat ne nigi kwe nikech Nyasache nomiye yweyo kuonde duto.

Ayub 11:19

Ininind kionge gi luoro, kendo ji mangʼeny nomany konyruok kuomi.

Zaburi 112:8

Chunye ok chandre kendo oonge gi luoro moro amora; ongʼeyo ni obiro neno ka olo wasike ka en to olocho.

Zaburi 127:2

In bende imondo chiewo chon kendo ineno nyaka sa molewo, kinyagori gi tich matek mondo iyud chiemo minyalo chamo; nimar Nyasaye miyo joge mohero nindo mokwe.

Zaburi 3:5

Ariera piny mondo anindi; kendo achako aa malo, nikech Jehova Nyasaye orita.

Zaburi 3:6

Ok abi luoro ji gana gi gana molwora mondo otimna marach.

Zaburi 4:8

Abiro riera piny mi anind gi kwe, nikech in kendi, yaye Jehova Nyasaye, in ema imiyo adak gi kwe.

Zaburi 91:5

Ok iniluor masira mar otieno, kata asere machielore godiechiengʼ,

Ngeche 1:33

To ngʼato angʼata mawinjo wachna nodag gi kwe kendo mayom, maonge luoro mar hinyruok.

Ngeche 19:23

Luoro Jehova Nyasaye tero ji e ngima; eka ngʼato yweyo kodhil, ma ok omule gi chandruok.

Ngeche 6:22

Ka iwuotho, to gibiro chiki; to ka inindo, to giniriti; to ka ichiewo, to giniwuo kodi.

Eklesiastes 5:12

Jachan nindo mamuol, kata ka ochiemo matin kata ka ochiemo mathoth, to jo-mwandu parore ma ok nyal nindo.

Isaya 54:14

Ibiro geri e tim makare: Ok nichak ine tij achuna; kendo onge gima iniluor. Bwok maduongʼ ibiro ter mabor kode; kendo ok ginisud machiegni kodi.

Jeremia 31:26

Kuom mani ne achiewo kendo ne angʼiyo alworana. To nindo mara nobedona mamit.

Ezekiel 34:15

An awuon ema anarit rombena kendo anami ginind piny ka giyweyo, Jehova Nyasaye Manyalo Gik Moko Duto osewacho.

Ezekiel 34:25

“ ‘Abiro timo singruok mar kwe kodgi, kendo abiro golo le mager e piny mondo giyud thuolo mar dak e piny motwo kendo ginindi ei bunge kaonge gima giluoro.

Ezekiel 34:27

Yiende mopidhi biro nyago olembgi kendo lowo biro chiego cham; kendo ji biro dak gi kwe e pinygi e kinde ma anaturie jok mag chuma manie ngʼutgi, kendo ma anaresgie kagolo e lwet joma nolokogi wasumbini, ema giningʼe ni an Jehova Nyasaye.

Tim jo-Lawi 26:6

Anamiu kwe e pinyu, mi ununindi maonge ngʼama nomiu luoro. Anatieki ondiegi duto e dieru kendo ligangla ok nomonju kata matin.

Tich Joote 12:6

Otieno motelone chiengʼ mane Herode chano goloe Petro oko mondo oyale, negikete onindo e kind askeche ariyo, ka otweye gi nyoroche ariyo, kendo ka askeche mamoko bende rite kochungʼ e dhood twech.