Ngeche 3:18 - Motingʼo Loko Manyien

¹⁸ En yadh ngima ne jogo morwake; jogo mopadore kuome biro yudo gweth.

MUMA MALER 2015

¹⁸ En ludh ngima ni jogo duto man kode, kendo joma opadore kuome gin johawi.

Ngeche 3:18 ပူးပေါင်းရင်းမြစ်များ

Chakruok 2:9

Eka Jehova Nyasaye noketo kit yien duto mondo onyagi ewi lowo, ne gin yiende malombo wangʼ kendo mag chiemo. E dier puodho ne nitie yath machiwo ngima kendo yath mamiyo ngʼato ngʼeyo ber gi rach.

Chakruok 3:22

Kendo Jehova Nyasaye nowacho niya, “Dhano koro osebedo machal kodwa, kongʼeyo ber kod rach. Kik yiene mondo oter lwete kendo okaw olemb ngima kendo ocham madimi odag nyaka chiengʼ.”

Ngeche 11:30

Olemb joma kare en yadh ngima, to ngʼatno ma reso chunje riek.

Ngeche 13:12

Gima igeno mobudho miyo chuny bedo matuo, to gima igeno motimore en yath mar ngima.

Ngeche 15:4

Lep makelo ber en yath mar ngima, to lep mar miriambo omiyo chuny bedo mool.

Ngeche 4:13

Mak motegno gima isepuonjori, kik iweye, olalni to irite maber, nikech en e ngimani.

Ngeche 8:32

“Omiyo koro yawuota, winjauru; gin johawi jogo morito yorena.

Ngeche 8:34

En jahawi ngʼat mawinja, marito pile e dhoutena korito e dhorangaya.

Eklesiastes 7:12

Rieko en tipo mana kaka pesa bende en tipo, nimar rieko kelo ngima ni ngʼama ni kode.

Fweny 2:7

Ngʼat man-gi it mondo owinj gima Roho wacho ne kanisa. Ngʼat molocho to anami adiera mar chamo olemb yadh ngima manie puotho mar Nyasaye.

Fweny 22:2

ne omol e dier yo maduongʼ mar dalano. To bath aora koni gi koni ne nitie yath mar ngima manyago olembe kido apar gariyo kendo ne onyago olembegego dwe ka dwe, bende ite yadhno ema ithiedhogo ogendini mag pinje.