Ngeche 3:13 - Motingʼo Loko Manyien

¹³ En jahawi ngʼatno moyudo rieko, ngʼatno man-gi winjo,

MUMA MALER 2015

¹³ Ng’at modoko mariek, kendo man gi ng’eyo en jahawi,

Ngeche 3:13 ပူးပေါင်းရင်းမြစ်များ

Ayub 28:15

Ok nyal ngʼiewe gi dhahabu maler mogik kendo nengone ok nyal pim gi fedha.

Ayub 28:18

Kit nam ma nengone tek kod kit ombo marieny ok di wuo kuomgi nikech nengo rieko oyombo nengo kit rubi maratiglo.

Ayub 28:19

Kata mana kit topaz mokuny Kush ok nyal pim kode; ok nyal ngʼiewe gi dhahabu malerie mogik.

Zaburi 119:72

Chik moa e dhogi berna moloyo ngʼinjo gana gi gana mag fedha gi dhahabu.

Ngeche 16:16

To ber maromo nade yudo rieko moloyo dhahabu, yiero ngʼeyo tiend wach moloyo fedha!

Ngeche 18:1

Ngʼat ma ok jahera dwaro mana gige ok owinj puonj moro amora.

Ngeche 2:4

to ka idware ka fedha kendo imanye ka mwandu mopandi,

Ngeche 8:9

Ne jogo mongʼeyo pogo tiend wach, gigi duto nikare, giber ni jogo man-gi ngʼeyo.

Rapar mar Chik 30:13

Bende ok en loka nam, madimi upenj niya, “En ngʼa madingʼad loka nam mondo oomnwago kendo opuonjwa eka warite?”