Ngeche 3:1 - Motingʼo Loko Manyien

¹ Wuoda, kik wiyi wil kod puonjna to ket chikena osik e chunyi,

MUMA MALER 2015

¹ Wuoda, wiyi kik wil gi weche ma apuonji, to pile par gik ma anyisi mondo itim,

Ngeche 3:1 ပူးပေါင်းရင်းမြစ်များ

Zaburi 119:11

Asekano wachni ei chunya mondo kik akethi e nyimi.

Zaburi 119:153

Ne chandruokna mondo ikonya, nimar pok wiya owil gi chikni.

Zaburi 119:16

Amor ahinya gi chikeni; ok abi jwangʼo wachni.

Zaburi 119:176

Aserwenyo ka rombo molal, omiyo yie imany jatichni, nimar wiya pok owil gi chikeni.

Zaburi 119:34

Miya rieko mondo eka arit chikeni kendo atim kaka owacho gi chunya duto.

Zaburi 119:61

Kata obedo ni joma timbegi richo orida gi tonde, to wiya ok bi wil gi chikeni.

Zaburi 119:93

Wiya ok bi wil gi bucheni, nimar gin ema iseritogo ngimana.

Zaburi 91:16

Anami odag amingʼa kendo ananyise warruokna.”

Wuok 20:6

to anyiso hera ni tienge gana gi gana mar jogo mohera kendo morito chikena.

Ngeche 1:8

Wuoda, chik iti ni puonj wuonu, kendo kik ijwangʼ puonj mar minu.

Ngeche 16:31

Lwar en osimbo mar duongʼ to iyude gi ngʼat man-gi ngima makare.

Ngeche 2:1

Wuoda, ka iyie rwako wechena kendo kano chikena e chunyi;

Ngeche 23:26

Wuoda, miya chunyi, kendo ket wengegi orit yorena,

Ngeche 31:5

nono ka gimetho to wigi diwil gi gima chik ochiko, ma gihiny joma ok nyal ka gitamogi e ratichgi.

Ngeche 4:2

Puonj mara mamiyou beyo, omiyo kik ujwangʼ puonjna.

Ngeche 4:21

Kik iwe gilal e wangʼi to kan-gi e chunyi;

Ngeche 4:5

Yud rieko kod ngʼeyo matut, wiyi kik wil kod wechena kata weyogi.

Ngeche 8:1

Donge rieko luongo? Donge ngʼeyo tiend wach tingʼo dwonde ka goyo koko?

Ngeche 9:1

Rieko osegero ode, osechungo sirnige abiriyo.

Isaya 51:17

Aa malo, Aa malo! Chiew, yaye Jerusalem, in misemetho e kikombe mar mirima mager, moa e lwet Jehova Nyasaye, kendo isemadho kikombe mamero ji milungʼo nyaka duro.

Jeremia 31:33

“Ma e singruok ma anatim gi dhood jo-Israel bangʼ ndalogo,” Jehova Nyasaye owacho. “Abiro keto chikena e pachgi kendo ndikogi e chunygi. Anabed Nyasachgi kendo ginibed joga.

Hosea 4:6

Joga itieko nikech chando ngʼeyo. “Nikech utamoru dwaro ngʼeyo, an bende adagiu kaka jodolona; nikech usejwangʼo chike mag Nyasachu, an bende anajwangʼ nyithindu.

Rapar mar Chik 4:23

Beduru motangʼ mondo kik wiu wil gi singruok mane Jehova Nyasaye ma Nyasachu otimo kodu, kik ulos ne un uwegi kido moro amora milamo ma Jehova Nyasaye ma Nyasachu okwero.

Rapar mar Chik 4:9

Beduru motangʼ kendo neuru ni wiu ok owil gi gik museneno gi wangʼu kendo kik uwegi gia e chunyu ka pod ungima. Puonjuru nyithindu kod nyikwau wechegi.

Rapar mar Chik 5:16

Luor wuonu gi minu mana kaka Jehova Nyasaye ma Nyasachu osechikou, mondo udagi amingʼa kendo mondo udhi maber e piny ma Jehova Nyasaye ma Nyasachu miyou.

Rapar mar Chik 5:33

Wuothuru e yore duto ma Jehova Nyasaye ma Nyasachu osechikou mondo ubed mangima kendo ubed gi mwandu mondo omi ngimau omedre e piny ma ubiro kawo.

Rapar mar Chik 8:1

Beduru motangʼ kurito chike duto ma amiyou kawuononi, mondo omi ubed mangima kendo unyaa mi udonji e piny ma Jehova Nyasaye nosingore ni nomi kwereu.