Ngeche 29:3 - Motingʼo Loko Manyien

³ Ngʼat mohero rieko miyo wuon mare mor, to ngʼat momako osiep kod jachode ketho mwandune.

MUMA MALER 2015

³ Ng’at mohero rieko miyo wuon mare mor. Ng’at ma jachode to ketho mwandune aketha.

Ngeche 29:3 ပူးပေါင်းရင်းမြစ်များ

Ngeche 27:11

Bed mariek, wuoda kendo imi chunya mor eka anyalo dwoko ngʼato moro amora machaya.

Luka 15:30

To ka wuodini, moseketho gigegi gi mon ma jochode ka obiro dala, to iyangʼone nyarwath machwe!’

Ngeche 15:20

Wuowi mariek miyo wuon mare mor, to ngʼat mofuwo chayo min mare.

Ngeche 10:1

Ngeche mag Solomon: Wuowi mariek kelo mor ni wuon mare, to wuowi mofuwo miyo min mare chuny lit.

Luka 15:13

“Bangʼ ndalo manok, wuowi machogono nokawo gige duto moloko pesa, eka nowuok modhi e piny mabor to kuro notiyo gi mwandune e yor dak e ngima mar anjawo.

Ngeche 28:7

Ngʼat marito chik en wuowi mariek, to bedo osiep jawuoro kelo wichkuot ne wuon mare.

Ngeche 6:26

Nikech ochot nyalo miyo ibed matin maromo gi nengo makati, to dhako ma jachode biro tieko ngimani.

Ngeche 21:17

Ngʼat mohero budho biro bedo jachan; ngʼat mohero divai kod moo ok nyal bedo ja-mwandu.

Ngeche 28:19

Ngʼat matiyo e puothe biro bedo gi chiemo mogundho, to ngʼat mabayo abaya biro bedo jachan mochwere.

Ngeche 23:15

Wuoda, ka chunyi riek, eka chunya biro bedo mamor,

Ngeche 21:20

Od ngʼat mariek opongʼ kod chiemo gi moo moyier, to ngʼat mofuwo chamo gik moko duto ma en-go.