Ngeche 27:4 - Motingʼo Loko Manyien

⁴ Mirima kwiny to gero pek moloyo, to en ngʼa manyalo chomore gi nyiego?

MUMA MALER 2015

⁴ Mirima kwiny, kendo ketho gik moko. Nyiego to rach moloyo!

Ngeche 27:4 ပူးပေါင်းရင်းမြစ်များ

Chakruok 26:14

Ne en kod pith mag jamni kod pith mag dhok kod jotich mangʼeny mi nyiego nomako jo-Filistia kode.

Chakruok 37:11

Owetene ne nyiego omako kode, to wuon-gi to ne okano wechego e chunye.

Chakruok 38:9

To Onan nongʼeyo ni nyithindogo ok bi bedo mage, kuom mano e sa asaya mane oriwore kod chi owadgino; ne oolo kothe oko e lowo mondo ne mi kik onywol nyathi ne owadgi.

Ayub 5:2

Ich wangʼ nego ngʼama ofuwo, kendo nyiego tieko ngʼama omingʼ.

Ngeche 14:30

Chuny man-gi kwe kelo ngima ni ringruok, to nyiego towo choke.

Ngeche 27:3

Kidi pek to kuoyo bende pek, to chandruok ma ngʼat mofuwo kelo pek moloyo gik moko ariyogo.

Ngeche 6:34

Nimar nyiego mamako chwor dhakono nyalo kelo tho, omiyo ka ochulo kuor, to nobed maonge ngʼwono kata matin.

Wer Mamit 8:6

Para e chunyi kinde duto, kendo wiyi kik wil koda; nikech hera nigi teko mana ka tho, kendo nyiego ma hera nigo tut mana ka bur tho. Herano liel ka mach mabebni, kendo mana ka ligek mach maduongʼ.

Mathayo 27:18

Nimar nongʼeyo ni ich lit ema nomiyo giketo Yesu e lwete.

Tich Joote 17:5

To jo-Yahudi mamoko ne nyiego omako; omiyo negidhi gichoko acheje moko mane bayo e chiro kanyo, eka negichoko oganda maduongʼ mar joma achejego, kendo negichako lweny e dalano. Ne gimwomore e od Jason, ka gimanyo Paulo gi Sila, mondo gigolgi oko ni oganda.

Tich Joote 5:17

Eka jadolo maduongʼ gi joge, mane gin jokanyo mar buch jo-Sadukai, nyiego nomako.

Tich Joote 7:9

“Nikech kwerewago ne nyiego omako gi Josef, ne giuse kaka misumba ne jo-Misri. To nikech Nyasaye ne ni kode,

Jo-Rumi 1:29

Gipongʼ gi kit timbe mamono duto, gi richo, gi wuoro kod timbe mobam. Bende gipongʼ gi ich lit, gi nek, gi dhawo, gi wuond kod himruok. Gin jokuoth,

1 Johana 3:12

Kik wachal gi Kain mane en koth ngʼama rach, omiyo nonego owadgi mahie. To nonego owadgi nangʼo? Nonego owadgi nikech timbene ne richo, to timbe owadgi ne ni kare.

1 Samuel 18:9

Kochakore chiengʼno Saulo nochako bedo gi nyiego gi Daudi.