Ngeche 27:20 - Motingʼo Loko Manyien

²⁰ Tho kod kethruok ok rom ngangʼ, to kata mana wenge dhano bende ok rom.

MUMA MALER 2015

²⁰ Kaka joma otho ok nyal pong’o Piny Joma Otho, e kaka gombo mar dhano bende ok nyal rumo.

Ngeche 27:20 ပူးပေါင်းရင်းမြစ်များ

Ayub 26:6

Piny joma otho ok opondo ne Nyasaye; kendo onge gima nyalo mone nene.

Ngeche 15:11

Jehova Nyasaye ongʼeyo gik moko matimore, bed ni en Tho kata Kethruok, omiyo dhano ok dipandne paro manie chunye!

Ngeche 23:5

Ngʼi mwandu mana matin nono, to bangʼe gidhi, nimar adiera gibiro bedo gi bwombe, kendo gifu gidhi e kor polo ka ongo.

Ngeche 27:19

Kirango pi, to wangʼi iwuon ema ineno, kendo kinono chunyi, to in iwuon ema inenori.

Eklesiastes 1:8

Gik moko duto gin tingʼ mapek, moingo ngʼato wacho. Kata obedo ni wangʼ neno, to gik moneno ok rome, to it bende kata obedo ni owinjo gik moko, to gik mowinjo ok rome.

Eklesiastes 4:8

Ne nitiere ngʼama ne ni kende; ne oonge wuowi kata owadgi. Ne otiyo matek ma ok oywe, to kata kamano ne oneno ni mwandune tin. Nopenjo niya, “En ngʼa ma atiyone matek kendo angʼo omiyo atwonora mor?” Ma bende onge tiende, ohala maonge mor!

Eklesiastes 6:7

Dhano tiyo matek mondo oyud gima ochamo, to kata kamano gik moyudo ok rome.

Isaya 5:14

Kuom mano piny joma otho ongʼamo dhoge malach ka dande oyawore malich; kendo enomuony jotelo kod oganda mamoko e kinde ma gikokee gi mor.

Jeremia 22:17

“To wengeu kod chunyu ochikore mana e yor yudo ohala gi mecho, e chwero remo maonge gi wach kuom thiro ji kod lweny.”

Habakuk 2:5

chutho, divai momadho ndhoge; en jasunga kendo osiko otimo gik maricho ma ok ool. Nikech owuor ka liel mamuonyo ji kendo kaka tho ok rom e kaka en bende ok orom, ochoko ogendini duto mondo obi ire, kendo omako ji duto wasumbini.

Hagai 1:9

“Usegombo yudo mangʼeny, to osetamore ma uyudo mana matin; to kata mana mano mago ma usechoko mukeloe dala, abiro kudho oko. Mani notimore nikech angʼo?” Jehova Nyasaye Maratego penjo. “Nikech hekaluna ma uweyo odongʼ gunda, ka un uwegi to uringo kudhi e uteu molos mabeyo.

1 Johana 2:16

Nimar gik moko duto manie piny, kaka gombo mar wangʼ kendo gombo mar ringruok kod sunga ma ji sungorego kuom gik ma gin-go, ok aa kuom Wuoro, to gin mana mag pinyni.