Ngeche 26:3 - Motingʼo Loko Manyien

³ Kaka faras owinjore gi chwat, to dho punda owinjore gi tweyo e kaka ngʼe joma ofuwo owinjore gi goch.

MUMA MALER 2015

³ Kaka faras owinjore gi chwat, kendo kaka dho kanyna owinjore gi tueyo, e kaka ng’at mofuwo bende owinjore gi goch!

Ngeche 26:3 ပူးပေါင်းရင်းမြစ်များ

Zaburi 32:9

Kik ichal gi farese kata gi punda, maonge gi rieko, manyaka chiki mana ka otwe dhoge kendo iywayo gi kamba, nono to ok gibi buti.

Ngeche 10:13

Rieko iyudo e dho jogo mongʼeyo tiend wach, to luth en mar ngʼe ngʼatno maonge gi rieko mar ngʼado bura.

Ngeche 17:10

Puonj mar kwer konyo ngʼat mariek, moloyo chwat nyadi mia ni ngʼat mofuwo.

Ngeche 19:25

Chwad jasunga mondo joma ngʼeyogi tin opuonjre; kwer ngʼat man-gi rieko, to obiro medo fwenyo tiend weche.

Ngeche 19:29

Kum oket mana ne jo-achaya, to chwat ne ngʼe joma ofuwo.

Ngeche 27:22

Kata bed ni iyoko ngʼat mofuwo e pany, iyoke kaka cham miswago, ok inigol fupe oa kuome.

1 Jo-Korintho 4:21

Koro ere gima udwaro? Udwaro ni mondo abi iru katingʼo boka, koso abi gihera kod chuny mamuol?

2 Jo-Korintho 10:6

Adier, wabiro kumo ji duto motamore winjo wach, nyaka chop un duto ubed joma olokore chuth.

2 Jo-Korintho 13:2

Kaka ne asiemou e limbena mar ariyo, e kaka amedo siemou sani ka aonge kodu ni ka abiro to ok nawe ma ok akumo jogo mane otimo richo motelo kod joricho mamoko duto