Ngeche 26:11 - Motingʼo Loko Manyien

¹¹ Kaka guok dok e ngʼokne mosengʼogo e kaka ngʼat mofuwo nwoyo fupe.

MUMA MALER 2015

¹¹ Ng’at mofuwo ma nwoyo gima ofuwo ma osetimo chalo gi guok modok nang’o ng’okne.

Ngeche 26:11 ပူးပေါင်းရင်းမြစ်များ

Wuok 8:15

Kane Farao oneno ni oseyudo thuolo, noketo chunye matek mine ok onyal winjo Musa kod Harun, mana kaka Jehova Nyasaye nowacho.

Ngeche 23:35

Ibiro wacho niya, “Gigoya, to ok ahinyra! Gigoya, to ok awinji! Karangʼo ma abiro chiewoe mondo adog ameth kendo?”

Ngeche 26:10

Mana kaka ngʼama thoro diro aserni adira ema chalo gi ngʼat mandiko ngʼat mofuwo kata ngʼato angʼata moyudo e tich.

Ngeche 27:22

Kata bed ni iyoko ngʼat mofuwo e pany, iyoke kaka cham miswago, ok inigol fupe oa kuome.

Isaya 28:8

Mesa duto opongʼ gi ngʼok, onge kamoro amora ma ok dungʼ tik marach.

Mathayo 12:45

Eka odok kendo oomo jochiende abiriyo mamoko maricho moloye, kendo gibiro gidonj mi gidag kanyo. Bangʼe achien ngima ngʼatno bedo marach moloyo kaka nochal mokwongo. Kamano e kaka biro timore ne tiengʼ marachni.”

2 Petro 2:22

Gima osetimorenigi chopo adiera mar ngero mawacho niya, “Guok dok e ngʼokne mosengʼogo” kendo niya, “Anguro moseluoki odok ngʼielore e chwodho.”