Ngeche 25:3 - Motingʼo Loko Manyien

³ Mana kaka polo bor kendo piny tut, e kaka chuny ruodhi ngʼeyo tek.

MUMA MALER 2015

³ Onge ng’ama ong’eyo chuny ruoth, nimar parone oyombowa mana kaka bor mar polo, kendo tut mar nam.

Ngeche 25:3 ပူးပေါင်းရင်းမြစ်များ

1 Ruodhi 4:29

Nyasaye nomiyo Solomon rieko gi ngʼeyo matut moloyo kod winjo ma ok nyalo pimore mana ka kwoyo manie dho nam.

Zaburi 103:11

Nimar kaka polo ni malo moyombo piny, e kaka herane duongʼ ne joma omiye luor;

Ngeche 25:2

Wamiyo Nyasaye duongʼ kuom gik ma opando; to lero tiend weche en duongʼ ni ruodhi.

Ngeche 25:4

Ka ogol chilo kuom fedha, to jatheth koro nigi gimoro mar theth;

Isaya 55:9

“Mana kaka polo bor gi piny e kaka bende yorena boyo maloyo mau, kendo e kaka parona ohewo parou.

Isaya 7:11

“Kwa Jehova Nyasaye ma Nyasachi ranyisi moro amora moa mwalo e bur piny kata moa e polo malo.”

Jo-Rumi 8:39

kata bor, kata tut, kata gima ochwe moro amora, ok nyal pogowa gihera mar Nyasaye mane ei Kristo Yesu Ruodhwa.

1 Petro 1:7

Gik makamagi osetimorenu mondo one ane ka un gi yie mar adier. To Kata mana dhahabu manyalo kethore bende ipwodho gi mach. Omiyo yie maru ma nengone tek moloyo dhahabu, nyaka tem mondo ongʼego ka en yie mar adier. Eka unuyud pak kod gi duongʼ kod luor, chiengʼ ma Yesu Kristo ofwenyore.