Ngeche 24:23 - Motingʼo Loko Manyien

²³ Magi bende gin weche mag jomariek: Luoro wangʼ kuom ngʼado bura ok ber:

MUMA MALER 2015

²³ Wechegi bende gin weche mane joma riek wacho. Ng’ado bura nyakonchiel nikech luoro wang’ en richo.

Ngeche 24:23 ပူးပေါင်းရင်းမြစ်များ

2 Weche mag Ndalo 19:7

Emomiyo tiuru ka luoro mar Nyasaye ni kodu. Ritreuru ka ungʼado bura nimar kuom Jehova Nyasaye ma Nyasachwa onge tim marach kata dewo wangʼ kata chulo asoya.”

Ayub 13:8

Bende Nyasaye nyalo yie kodu kudwaro loko adiera bedo miriambo?

Zaburi 107:43

Ngʼama riek mondo omak wechegi maber, kendo opar matut kuom hera maduongʼ mar Jehova Nyasaye.

Ngeche 1:6

mondo gingʼe ngeche, sigendini, kod weche ma tiendgi tek mag jorieko.

Ngeche 18:5

Ok en gima ber chwako ngʼat ma timbene richo kata ketho buch ngʼato maonge ketho.

Ngeche 22:17

Chik iti kendo iwinj weche mag jomariek; ket chunyi ne gima apuonjo,

Ngeche 28:21

Dok ne ngʼato kayiem ka oketho ok ber, to ngʼato biro timo marach mana ni mondo oyud asoya matin.

Hosea 14:9

En ngʼat mane mariek? Obiro fwenyo tiend gigi. En ngʼat mane manyalo fwenyo tiend wechegi? Obiro ngʼeyogi. Yore mag Jehova Nyasaye nikare, joma nikare ema wuothoe, to joma jendeke to chwanyore.

Tim jo-Lawi 19:15

“ ‘Kik iketh buch ngʼato, to ngʼad bura kare ma kik idogne jachan kata luoro wangʼ ngʼama duongʼ, to ngʼadne wadu bura makare kichungʼ e adiera.

Johana 7:24

Weuru ngʼado bura kuom gik muneno gioko, to ngʼaduru bura makare.”

Rapar mar Chik 1:17

Kik udew wangʼ ka ungʼado bura, winj ngʼat matin kod maduongʼ mana machal. Kik uluor wangʼ ngʼato nimar bura makare en mar Nyasaye. Kelnauru bura moro amora matek ma ok unyal kendo abiro winjo.

Rapar mar Chik 16:19

Kik uketh adiera kata dewo wangʼ ngʼato, kik ukaw asoya, nikech asoya dino wenge joma riek kendo omiyo ngʼat makare bedo ngʼama rach.

Jakobo 3:17

To rieko moa e polo ok chal kamano. Mokwongo oler, kendo ohero kwe, odembore, owinjo wach, opongʼ gi kech kod olembe mabeyo, ok odew wangʼ, kendo oonge miganga.

1 Petro 1:17

Kaka uluongo nying Wuoro mangʼado bura ne tich ngʼato ka ngʼato machalre ka ok odew wangʼ ngʼato, daguru kaka welo e piny-ka, kod luor mowinjore.