Ngeche 24:16 - Motingʼo Loko Manyien

¹⁶ kata bedni ngʼat makare ogore piny nyadibiriyo, pod obiro chungo kendo; to joricho igoyo piny gi masira.

MUMA MALER 2015

¹⁶ Ng’at makare nyalo podho ndalo mang’eny, to pod ochako ochung’ achung’a kendo. Jaricho to masira achiel kende ema tieko.

Ngeche 24:16 ပူးပေါင်းရင်းမြစ်များ

Chakruok 19:35

Kuom mano negimiyo wuon-gi kongʼo momer gotieno kendo nyako matin nodonjo ma oriwore kode. Kendo ne ok ongʼeyo seche mane nyare matin-no ochako kata otieko riwore kode.

Esta 7:10

Omiyo neginego Haman e gima noseiko mondo oneg-go Modekai. Eka mirimb ruoth norumo.

Ayub 5:19

Enoresi ka in e masiche mar auchiel; to adier, ok enoweyi ichopi e masiche mar abiriyo.

Zaburi 34:19

Ngʼat makare nyalo bedo gi chandruok mangʼeny, to Jehova Nyasaye rese kuomgi duto;

Zaburi 34:21

Timbe maricho biro nego ngʼama timbene rach, to jowasik joma kare, bura biro loyo.

Zaburi 37:24

kata ka ochwanyore to ok obi podho; nikech Jehova Nyasaye omako lwete.

Zaburi 52:5

To Nyasaye biro tieli piny matieki chuth nyaka chiengʼ; obiro yudhi mi oyiechi oko e hembi; obiro pudhi mi ogoli e piny joma ngima. Sela

Zaburi 7:16

Chandruok mokelo gaje en owuon; timbene mag mahundu dwogone e wiye owuon.

Zaburi 79:12

Chul kuor ne jobutwa nyadibiriyo kigoyo bembegi. Kuom ayany ma gisediro kuomi, yaye Jehova Nyasaye.

Ngeche 13:17

Jaote marach donjo e chandruok, to jaote modimbore kelo konyruok.

Ngeche 13:21

Chandruok luwo jaricho, to mwandu e ohand ngʼat makare.

Ngeche 14:32

Ka masira obiro, joricho itieko, to kata e tho ngʼat makare nigi kar pondo.

Ngeche 24:22

nimar ji ariyogo biro kelonegi chandruok apoya nono, to en ngʼa ma dingʼe ni en chandruok manade ma ginyalo kelo?

Ngeche 6:15

Kuom mano, masira biro make maloye apoya nono; notieke apoya nono, maonge resruok.

Jeremia 18:17

Kaka yamo ma aa yo wuok chiengʼ, anakegi e nyim wasikgi; ananyisgi ngʼeya to ok wangʼa e kinde mar masichegi.”

Jeremia 8:4

“Wachnegi ni, ‘Ma e gima Jehova Nyasaye wacho: “ ‘Ka ji opodho mogore piny donge gia malo? Ka ngʼato oa, donge odwogo?

Ezekiel 7:5

“Ma e gima Jehova Nyasaye Manyalo Gik Moko Duto wacho: “ ‘Masiche mapok one biro makou! Neuru obiro!

Amos 5:2

“Israel ma en nyako ngili koro osepodho, kendo ok nochak oa malo, nimar osepodho e pinye owuon maonge ngʼama nyalo chunge.”

Amos 8:14

Ji duto makwongʼore gi nying Ashima, ma nyasaye madhako mar Samaria, kata makwongʼore gi nyasach Dan, kendo gi nyasach Bersheba, nopodh chuth, ma ok ginichak gia malo.”

Kwan 32:23

“To ka ok utimo kamano, to ubiro timo richo e nyim Jehova Nyasaye; kendo bed ka ungʼeyo ni richou nofwenyre e lela.

Tich Joote 12:23

Gikanyono malaika mar Ruoth nogoyo Herode piny, nikech ne ok omiyo Nyasaye duongʼ kendo kute nochamo ringre, mi otho.

1 Jo-Thesalonika 5:3

E sa ma ji paro ni piny okwe kendo weche beyo, ema masira nopogie kadiemo wangʼ, mana kaka muoch poyo dhako man-gi ich, bende ok ginitony.

1 Samuel 26:10

Nowacho niya, “Akwongʼora gi nying Jehova Nyasaye mangima, ni Jehova Nyasaye owuon ema nonege; kata ndalone chiengʼ moro nochopi mi otho kata nodhi e lweny mi notho kuno.

1 Samuel 31:4

Saulo nowacho ni jatingʼne gige lweny niya, “Wuodh liganglani mondo inega, nono to joma ok oter nyangigi biro nega kendo yanya.” To jatingʼne gige lweny ne luoro omako kendo ne ok onyal timo kamano, omiyo Saulo nokawo liganglane owuon mochwoworego.