Ngeche 21:8 - Motingʼo Loko Manyien

⁸ Yor ngʼat ma jaketho ogondore, to kit ngʼat makare oriere tir.

MUMA MALER 2015

⁸ Joketho wuotho e yo mogondore ogondore. Joma onge ketho to wuotho mana e yo moriere tir.

Ngeche 21:8 ပူးပေါင်းရင်းမြစ်များ

Chakruok 6:12

Nyasaye noneno kaka piny nosekethore, nikech ji duto mae piny nodak e richo.

Ngeche 15:26

Jehova Nyasaye odagi paro mar joricho, to jogo ma chunygi ler miye mor.

Ngeche 2:15

jogo ma yoregi ogajore ogajore kendo gin jowuond e yoregi.

Ngeche 21:9

Ber dak e kona mar wi ot moloyo dak gi dhako maralep.

Ngeche 30:12

jogo ma paro giwegi ni giler to ok osepwodhgi kuom kethruokgi;

Eklesiastes 7:29

Gimoro kendo maseyudo en ni Nyasaye nochweyo ji duto momiyo rieko, makmana ni dhano osebaro ka dwaro gik mangʼeny.”

Eklesiastes 9:3

Ma e richo mantiere kuom gimoro amora matimore e piny: Giko machalre choponegi duto. Kata kamano, chuny dhano opongʼ gi richo kendo nitie neko e pachgi e kinde ma gingima, to bangʼe to giriwore gi joma otho.

Isaya 26:7

Yor joma kare opie, yaye in Jal makare, iloso yor joma kare bedo maber.

Isaya 59:8

Ok gingʼeyo yo makelo kwe, onge tim makare e yoregi. Giseloko yorego obedo yore mogondore ogondore, kendo ngʼato angʼata mawuotho e yorego ok noyud kwe.

Daniel 12:10

Ji mangʼeny ibiro pwodhi mi gidok maler kendo maonge songa, to joma richo nomed bedo maricho. Joma richo ok nowinj tiend wechegi kata achiel, to jomariek to nowinj tiendgi.

Mathayo 12:33

“Los yien obed maber eka olembe biro bedo maber, kata ket yath obed marach kendo olembene biro bedo marach, nimar yath ingʼeyo gi kit olemo monyago.

Mathayo 5:8

Jomaler gie chunygi gin joma ogwedhi, nimar ginine Nyasaye.

Tich Joote 15:9

Ne ok otimonigi gima opogore gi ma notimonwa, nikech gin bende nopwodho chunygi kuom yie.

1 Jo-Korintho 3:3

Donge pod un mana jopiny ka nyiego kod dhawo ni e kindu? Donge mano nyiso ni un jopiny kendo utimo timbe machalre gi timbe mag dhano?

Tito 1:15

Gik moko duto ler mana ni jomaler, to kuom joma okethore ma ok oyie to onge gima ler. Chutho, pachgi kaachiel gi chunygi monego onyisgi kethogi osetho.

Tito 2:14

mane ochiworenwa mondo oreswa wawe timbe maricho kendo mondo opwodh ne en owuon joma owinjore bedo joge, moikore timo gik mabeyo.

Tito 3:3

Nikech wan bende chon ne wan joma ofuwo ma ok winj wach kendo wasumbini mag kit gombo gi mor mayoreyore mag ringruok. Ngimawa mapile nopongʼ gi ichlit gi nyiego; ka ji mon kodwa kendo wan bende onge winjruok e kindwa.

Tito 3:5

Ne ok owarowa nikech tim moro makare mane wasetimo, to ne owarowa mana nikech ngʼwonone owuon. Nowarowa gi luok mane Roho Maler okelonwago ngima manyien kod nywol manyien.

1 Johana 2:29

Ka ungʼeyo ni Kristo en ngʼama kare to onego ungʼe bende ni ngʼato ka ngʼato matimo gima kare en nyathi Nyasaye.

1 Johana 3:3

Ngʼato ka ngʼato man-gi genoni pwodhore owuon mondo osik koler mana kaka en bende oler.