Ngeche 21:3 - Motingʼo Loko Manyien

³ Timo gima kare kod mowinjore ema Jehova Nyasaye oyiego moloyo misango.

MUMA MALER 2015

³ Ruoth Nyasaye ohero mondo itim gik makare kendo mowinjore moloyo timone misengni.

Ngeche 21:3 ပူးပေါင်းရင်းမြစ်များ

Zaburi 40:7

Eka nawacho niya, “Eri an ka, asebiro mana kaka ondiki kuoma e Muma.

Zaburi 50:8

Ok akweru nikech wach misengini mutimona, kata nikech misango miwangʼo pep, mosiko ka nitie e nyima.

Ngeche 15:8

Jehova Nyasaye odagi misango mar jaricho, to lamo mar ngʼat moriere tir miye mor.

Hosea 6:6

Nimar adwaro ni ukech joweteu, to ok ni uchiwna misango, kendo ngʼeyo Nyasaye ber moloyo misengini miwangʼo pep.

Zekaria 7:9

“Ma e gima Jehova Nyasaye Maratego wacho, ‘Ngʼaduru bura madier; nyisuru tim ngʼwono kod kech ni jowadu.

Mariko 12:33

Ka ihero Nyasaye gi chunyi duto gi riekoni duto gi tekoni duto, kendo kihero wadu kaka iherori iwuon to mano duongʼ moloyo misango miwangʼo pep gi misengini mamoko.”

1 Samuel 15:22

Samuel nodwoke niya, “Iparo ni Jehova Nyasaye mor gi chiwo kod misengini miwangʼo pep moloyo winjo dwonde? Winjo wach ber moloyo chiwo misango kendo chiko it ber moloyo boche imbe,