Ngeche 20:9 - Motingʼo Loko Manyien

⁹ En ngʼa manyalo wacho niya, “Aserito chunya maler; aler kendo aonge richo?”

MUMA MALER 2015

⁹ Ere ng’ama nyalo wacho ni parone long’o, kendo ni richone duto osepuodhi?

Ngeche 20:9 ပူးပေါင်းရင်းမြစ်များ

1 Ruodhi 8:46

“To ka giketho e nyimi, nimar onge ngʼato kata achiel ma ok jaketho mi ikecho kodgi, kendo ichiwogi e lwet wasikgi mondo otergi e twech e piny wasikgigo, kuma bor kata machiegni;

2 Weche mag Ndalo 6:36

“To ka giketho e nyimi, nimar onge ngʼato kata achiel ma ok jaketho mi ikecho kodgi kendo ichiwogi e lwet wasigu mi giterogi e twech e piny mabor kata machiegni,

Ayub 14:4

En ngʼa manyalo kelo gima ler kogolo kuom gima ochido? Onge kata achiel!

Ayub 15:14

“Dhano to en angʼo madimi obed ngʼama ler, koso dhano ma dhako onywolo, to en angʼo madimi obed ngʼama kare?

Ayub 25:4

Ka en kamano, to ere kaka dhano dibed ngʼat makare e nyim Nyasaye? Koso ere kaka dhano ma dhako onywolo nyalo bedo maler?

Zaburi 51:5

En adier chutho ni nonywola e richo asebedo ka an jaricho chakre chiengʼ mane minwa omake ichna.

Eklesiastes 7:20

Onge ngʼato kata achiel e piny ngima matimo mana gik mabeyo lilo ma ok oketho.

Jo-Rumi 3:9

Koro wanyalo wacho nangʼo mogik? Bende waber adier? Ok kamano ngangʼ! Wasengʼado bura ni jo-Yahudi kod joma ok jo-Yahudi gi joricho mana machalre.

1 Jo-Korintho 4:4

Chutho ok ane gimoro ma aketho, to mano ok onyisa ni aonge ketho. To Ruoth ema ngʼadona bura.

Jakobo 3:2

Wan duto wachwanyore e yore mangʼeny. Ka weche ma ngʼato wacho ok mi obed jaketho to en ngʼat malongʼo kendo onyalo chiko ringre duto mondo owinje.