Ngeche 20:8 - Motingʼo Loko Manyien

⁸ Ka ruoth obedo e kome mondo ongʼad bura; opiedho weche maricho duto gi wangʼe.

MUMA MALER 2015

⁸ Ruoth mobet e kom duong’ne kang’ado bura piedho weche maricho duto gi wang’e.

Ngeche 20:8 ပူးပေါင်းရင်းမြစ်များ

2 Samuel 23:4

to ochalo gi ler mar okinyi ka chiengʼ wuok, okinyi maonge boche polo, machalo gi ler polo bangʼ chue koth mamiyo lum loth.

1 Ruodhi 7:7

Nogero od kom duongʼ, Od ngʼado Bura kama ne ongʼadoe bura kendo noume gi sida koa piny nyaka e tado.

Zaburi 72:4

Obiro chwako joma odhier manie dier ji kendo obiro reso nyithind joma ochando; to thiro ji, to obiro tieko pep.

Zaburi 92:9

Nimar ka kuom adier, yaye Jehova Nyasaye, ka kuom adier to wasiki duto biro lal nono; joricho duto ibiro ke mel.

Zaburi 99:4

Ruoth nyalo, ohero bura makare, isechungo adiera; isetimo ne joka Jakobo gima adier kendo makare.

Ngeche 16:12

Ruodhi mon gi timbe maricho, nikech kom mar loch obedo mana kuom tim makare.

Ngeche 20:26

Ruoth mariek riembo joma timbegi richo; okumogi ma ok okechogi.

Ngeche 25:5

ka ogol ngʼat marach e nyim ruoth, eka kom ruodhe ibiro guro motegno e tim makare.

Ngeche 29:14

Ka ruoth ongʼado bura ne jochan kod adiera, kom ruodhe biro bedo moritore ma ok hinyre.

Isaya 32:1

Winjuru, Ruoth nobed gi loch makare kendo jotelo nobed gi telo mar adier.

Mathayo 12:30

“Ngʼat ma ok ni koda kedo koda, kendo ngʼat ma ok konya choko ji, keyo ji.