Ngeche 2:19 - Motingʼo Loko Manyien

¹⁹ Onge ngʼato madhi ire maduogo kata yudo yor ngima.

MUMA MALER 2015

¹⁹ Ng’ato ang’ata molimo dhakono to ok chak duog kendo. Adier, ok ochak oduog e wang’yor ngima!

Ngeche 2:19 ပူးပေါင်းရင်းမြစ်များ

Zaburi 16:11

Isenyisa yor ngima; inipongʼa gi mor mogundho ka an e nyimi, kendo gi mor mosiko e badi korachwich.

Zaburi 81:12

Omiyo ne aweyogi nikech chunygi ne tek, kendo negiluwo yoregi giwegi.

Ngeche 4:18

Yor joma kare chalo ka ugwe mar kogwen, omedo rieny maler nyaka chiengʼ wuogi.

Ngeche 5:11

To e giko mar ngimani inichur achura, ka ringri gi dendi chamore rumo.

Ngeche 5:6

Ok opar ngangʼ yor ngima; yorene ogondore, to ok ongʼeyo kamano.

Ngeche 6:32

To ngʼat ma terore gi chi ngʼat machielo onge gi rieko, ngʼat matimo kamano ketho ngimane owuon.

Eklesiastes 7:26

Bangʼe ne ayudo ni dhako ma jachode rach moloyo, tho nimar chunye en obadho, to lwetene gin nyororo. Ngʼat moluoro Nyasaye notony e lwete, to jaricho to nokelne mana chandruok.

Jeremia 13:23

Bende ja-Kush nyalo loko kit piene kata kwach nyalo loko kido man kuome? Kamano bende ok inyal timo maber, in ngʼatno mongʼiyo gi timbe maricho.

Hosea 4:14

“Ok anakum nyiu ka gibedo ochode, kata mond yawuotu ka terore, nikech chwo giwegi ema dhi ir mon ma jochode, gi mon manie hekalu mar Baal. Joma onge ngʼeyo biro yudo chandruok!

Jo-Hibrania 6:18

Notimo kamano mondo, kuom gik moko ariyo, tiende ni singruok gi kwongʼruok, ma ok nyal lokore kendo ma ok nyal miyo Nyasaye bet ja-miriambo, wayud gweth mogundho, wan mwasetony koro wayudo jip motegno kwamako geno ma wan-go matek.