Ngeche 2:12 - Motingʼo Loko Manyien

¹² Rieko noresi kuom yore mag joma mono, kuom jogo mawacho weche mochido,

MUMA MALER 2015

¹² kendo ginitelni mondo kik itim gimoro marach. Ginimi ibed mabor gi joma wacho weche makelo miero.

Ngeche 2:12 ပူးပေါင်းရင်းမြစ်များ

Zaburi 101:4

Ok anabed gi paro mochido; bende kata paro mar timo richo ok anapar.

Zaburi 141:4

Kik iyie gimoro amora marach ywa chunya, ma dimi an bende atim timbe maricho, kaachiel gi joma timbe gi richo; rita mondo kik acham chiembgi mabeyonegi.

Ngeche 10:32

Lew joma kare ongʼeyo gima owinjore, to dho joricho wacho mana gik mochido.

Ngeche 13:20

Ngʼat mawuotho gi ngʼama riek bedo mariek, to osiep joma ofuwo hinyore.

Ngeche 23:33

Wengeni biro neno gik mayoreyore to pachi paro gik morundore.

Ngeche 28:26

Ngʼat moketo genone kuome owuon ofuwo, to ngʼatno mawuotho e rieko, oritore maonge hinyruok.

Ngeche 3:32

Nimar Jehova Nyasaye ger gi jaricho to ogeno joma kare.

Ngeche 6:12

Ngʼat mamono kendo jaricho mawuotho awuotha kowacho weche mogak,

Ngeche 8:13

Luoro Jehova Nyasaye en sin gi richo; amon gi sunga kod ngʼayi, timbe maricho kod wuoyo mochido.

Ngeche 9:6

Weuru yoreu maonge rieko, eka unubed mangima, wuothuru e yor winjo kod ngʼeyo.

Tich Joote 20:30

Kata mana e dieru ka, jomoko biro wuokie kendo gibiro puonjo weche mobam ma gichwogo kendgi giwegi mondo giywago jopuonjre irgi.

1 Jo-Korintho 15:33

Kik ngʼato wuondu. Ngʼeuru niya, “Bedo e lalruok kod joma richo ketho timbe mabeyo.”

2 Jo-Korintho 6:17

Emomiyo, “Auru kuomgi kendo pogreuru kodgi, Jehova Nyasaye ema owacho. Kik umul gima ochido, eka anarwaku.”