Ngeche 19:8 - Motingʼo Loko Manyien

⁸ Ngʼatno moyudo rieko ohero chunye owuon, to ngʼat mohero winjo wach dhi maber.

MUMA MALER 2015

⁸ Ng’at ma dwaro rieko rito ngimane maber, kendo ng’at maparo gima osepuonjore dhi nyime kare.

Ngeche 19:8 ပူးပေါင်းရင်းမြစ်များ

Zaburi 19:11

Gin ema gimiyo jatichni bedo motangʼ; kendo bedogi kanyo kelo pok maduongʼ.

Ngeche 16:20

Ngʼato angʼata mawinjo puonj dhi maber, to ojahawi ngʼatno moketo genone kuom Jehova Nyasaye.

Ngeche 17:16

Ere tiende mondo ngʼat mofuwo obed gi pesa nimar oonge gi dwaro mar bedo mariek?

Ngeche 19:9

Janeno ma ja-miriambo ok notony ma ok okume, to ngʼatno malando miriambo biro lal nono.

Ngeche 22:18

nimar en mor ka ikanogi ei chunyi kendo bed kodgi moikore e dhogi.

Ngeche 3:18

En yadh ngima ne jogo morwake; jogo mopadore kuome biro yudo gweth.

Ngeche 3:21

Wuoda, rit ngʼado bura makare kod pogo tiend wach, kik iwe gilalni.

Ngeche 3:22

Ginibedni ngima maber, ka tigo maber mitweyo e ngʼuti.

Ngeche 4:21

Kik iwe gilal e wangʼi to kan-gi e chunyi;

Ngeche 4:4

nopuonja kowacho niya, “Mak matek wechena gi chunyi duto, rit chikena eka inibed mangima.

Ngeche 4:6

Kik ijwangʼ rieko to obiro bedoni ragengʼ; here, to obiro ritoi.

Ezekiel 36:26

Abiro miyou chuny manyien kod paro manyien; kendo anagol kuomu chuny matek ka lwanda mi amiu chuny mayom ka ringʼo.

Johana 12:25

Ngʼama ohero ngimane, ngimane biro lalne, to ngʼama ochayo ngimane e pinyni biro rite nyaka chop oyud ngima mochwere.

Johana 14:21

Ngʼato angʼata mongʼeyo chikena kendo orito, e ngʼama ohera. Ngʼat mohera, Wuora biro hero, kendo an bende abiro here, mi afwenyrane.”

1 Petro 3:10

Mana kaka Muma wacho niya, “Ngʼato angʼata mohero ngima kendo ni gigeno kuom ndalo mabiro mabeyo, nyaka ogengʼ lewe kik wuo marach kendo ogengʼ dhoge kuom wacho miriambo.