Ngeche 19:6 - Motingʼo Loko Manyien

⁶ Ji mangʼeny temo mondo oyud pwoch kuom ruoth, to ngʼato ka ngʼato bedo osiep ngʼat machiwo mich.

MUMA MALER 2015

⁶ Ng’ato ka ng’ato temo mondo joma dongo ohere, kendo ng’ato ka ng’ato wacho ni en osiep ng’ama bade lach.

Ngeche 19:6 ပူးပေါင်းရင်းမြစ်များ

Chakruok 32:20

Kendo une ni uwacho ni, ‘Jatichni Jakobo biro bangʼwa.’ ” Nikech noparo niya, “Obiro hoye gi mich ma ooroneni kendo ka oneno to ponono obiro rwaka.”

Chakruok 42:6

To Josef ma jatend pinyno ema ji moa e pinje duto ne biro rundo kuome. Kuom mano, kane owete Josef ochopo, negikulore ne Josef nyaka e lowo.

Chakruok 43:15

Kuom mano jogo nokawo mich kod pesa moromo rundo nyadiriyo, kod Benjamin bende. Negireto mapiyo nono ka gidhi Misri kendo negidhi ir Josef.

Zaburi 45:12

Nyar Turo biro biro gi mich, joma nigi mwandu biro dwaro kony kuomi.

Ngeche 16:15

Ka wangʼ ruoth nenore mamor to nitiere ngima, ngʼwonone chalo gi rumbi mag koth e ndalo chwiri.

Ngeche 17:8

Asoya en bilo ne ngʼat machiwe, kamoro amora modhiye, odhi maber.

Ngeche 18:16

Chiwo yawo yo ne ngʼat machiwo kendo tere e nyim jomadongo.

Ngeche 19:12

Gero mar ruoth chalo gi sibuor maruto, to ka omor kodi to ochalo gi tho manie wi lum.

Ngeche 21:14

Mich mochiw lingʼ-lingʼ kweyo mirima to asoya mopandi ei law jiwo mirima maduongʼ.

Ngeche 29:26

Ji mangʼeny dwaro mondo girom gi ruoth, to en mana kuom Jehova Nyasaye ema adiera yudoree.

Mathayo 2:11

To kane gichopo ei ot, negineno nyathino kod Maria min mare, kendo negikulore piny ka gilame. Bangʼe ne giyawo mwandugi kendo negimiye mich mag dhahabu, gi ubani gi mane-mane.

Jo-Rumi 6:23

Nikech misach richo en tho, to mich mar Nyasaye en ngima mochwere kuom Kristo Yesu Ruodhwa.