Ngeche 19:3 - Motingʼo Loko Manyien

³ Fuwo mar ngʼato owuon ketho ngimane; to bende chunye bedo mager gi Jehova Nyasaye.

MUMA MALER 2015

³ Ng’at mofuwo kethore kende owuon, to bang’e owacho ni Ruoth Nyasaye ema otimone kamano.

Ngeche 19:3 ပူးပေါင်းရင်းမြစ်များ

2 Ruodhi 6:33

Kane pod owuoyonegi, jaote nochopo ire. Kendo ruoth nowachone niya, “Masirani oa mana kuom Jehova Nyasaye, omiyo onge tiende medo geno kuom Jehova Nyasaye.”

Ayub 15:13

momiyo koro iwuoyo gi Nyasaye ka in gi mirima kendo iwacho weche machalo kamano gi dhogi?

Zaburi 37:1

Kik chunyi chandre nikech joma richo bende chunyi kik gomb gige joma timo gik maricho;

Zaburi 37:7

Bed mos e nyim Jehova Nyasaye, kendo rite kihori mos; kik chunyi chandre ka joma moko dhi nyime maber, ka gitimo chenrogi maricho.

Ngeche 11:3

Bidhruok mar joma kare telonegi, to joma ok jo-adiera kethore gi timbegi mag achach.

Isaya 32:6

Nimar ngʼat mofuwo wacho weche mofuwo, kendo opongʼ gi richo: Otimo timbe mag richo kendo olando miriambo kuom Jehova Nyasaye; mi omon joma odenyo chamo gik monego gicham kendo joma riyo oloyo otamoe pi.

Ywagruok 3:39

Ere gima omiyo ngʼato angʼata mangima ngʼur ka okume nikech richoge?

Ezekiel 18:25

“To ka pod uwacho ni, ‘Yore mag Ruoth Nyasaye ok nikare.’ To winjuru, yaye dhood Israel: Bende yorena ok nikare adier? Donge yoreu ema ok nikare?

1 Samuel 13:13

Samuel nowachone niya, “Isetimo tim mofuwo. Ok iserito chik mane Jehova Nyasaye ma Nyasachi omiyi; ka dine iriti, to doguro pinyruodhi e Israel nyaka chiengʼ.

1 Samuel 15:23

nimar ngʼanyo chal gi richo mar jwok, to tok teko chalo gi richo mar lamo nyiseche manono. Nikech isedagi wach Jehova Nyasaye En bende osedagi ni kik ibed ruoth.”