Ngeche 19:1 - Motingʼo Loko Manyien

¹ Ber bedo jachan ma wuodhe ok nyal cha, moloyo ngʼat mofuwo ma lewe timo richo.

MUMA MALER 2015

¹ Ber bedo jachan ma timne kare, moloyo bedo jamoko ma wechene obam.

Ngeche 19:1 ပူးပေါင်းရင်းမြစ်များ

Zaburi 26:11

An to ngimana onge ketho; yie iwara kendo ikecha.

Zaburi 37:26

Kinde duto gingʼwon kendo giholo ji gigegi nono; nyithindgi ibiro gwedhi.

Ngeche 12:26

Ngʼat makare dak gi osiepene e yo mowinjore, to yor ngʼat marach terogi kama rach.

Ngeche 14:2

Ngʼat ma wuodhe oriere oluoro Jehova Nyasaye, to ngʼat ma yorene achach ochaye.

Ngeche 15:16

Ber bedo gi matin ka iluoro Jehova Nyasaye moloyo mwandu mangʼeny kod koko.

Ngeche 16:8

Ber bedo gi matin kod tim makare, moloyo mangʼeny kod tim ma ok kare.

Ngeche 19:22

Gima dhano dwaro en hera ma ok rum, ber bedo jachan moloyo bedo ja-miriambo.

Ngeche 20:7

Ngʼat makare nigi ngima ma ok ocha; nyithinde nigi gweth bangʼe.

Ngeche 28:6

Ber ngʼat ma jachan ma wuodhe ok cha, moloyo ngʼat ma ja-mwandu ma yorene richo.

Ngeche 4:24

Wach ma ok adiera kik aa e dhogi; weche mag miganga kik wuogi e dhogi.

Isaya 59:3

Nimar lwetu otimo remo, kendo usemulo richo. Dhou osewacho miriambo kendo leu osehulo gik mamono.

Mathayo 16:26

Koso en ber mane ma ngʼato yudo ka piny duto obedo mare to ngimane to olalne? Koso en angʼo ma ngʼato dichiw mondo owil gi ngimane?

1 Samuel 25:17

Koro par ane wach kendo ne gima inyalo timo, nikech chandruok dhi biro ne ruodhwa gi joge duto. Nikech en ngʼat ma achach maonge ngʼama nyalo wuoyo kode.”

1 Samuel 25:25

Mad ruodha mondo kik odew ngʼat ma achach ma Nabal. Ochalo mana gi nyinge, nyinge tiende ni ngʼat mofuwo, kendo otimo tim fuwo kuonde duto. An to ne ok aneno joma ne ruodha ooro.