Ngeche 18:4 - Motingʼo Loko Manyien

⁴ Weche mag dho ngʼato tut ka nam, to soko mar rieko en aora mabubni kamol.

MUMA MALER 2015

⁴ Weche dhano gin soko mar rieko. Gitut ka nam, kendo giliw ka aora mamol.

Ngeche 18:4 ပူးပေါင်းရင်းမြစ်များ

Zaburi 78:2

Abiro yawo dhoga mondo awuo gi ngeche, ee, abiro hulo gik mopondo ma wuoyo kuom gik mane otimore chon gi lala.

Ngeche 10:11

Dho ngʼat makare en soko mar ngima, to timbe mahundu opongʼo dho ngʼat marach.

Ngeche 13:14

Puonj mar ngʼat mariek en soko mar ngima ma reso ngʼato e obadho mag tho.

Ngeche 16:22

Winjo wach en soko mar ngima ne jogo man kode, to fuwo kelo kum ne joma ofuwo.

Ngeche 18:3

Ka richo biro, e kaka achaya biro, to wichkuot kelo duwruok.

Ngeche 20:5

Dwaro mar chuny dhano chalo gi pi matut, to ngʼat man-gi winjo twomogi.

Mathayo 12:34

Un koth thuonde fu-gi, ere kaka un ma un jomaricho kamano unyalo wacho gima ber? Nimar gik mopongʼo chuny ngʼato ema wuok e dho ngʼato.

Johana 4:14

to ngʼato angʼata momodho pi mamiye ok nochak owinj riyo. Chutho, pi ma anamiye nodok soko mar pi e iye, mosiko ka bubni nyaka chop e ngima mochwere.”

Jo-Kolosai 3:16

Wach Kristo mondo odagi e chunyu gi nyak duto mokelo, kupuonjoru kendo usiemoru ngʼato gi ngʼato gi rieko duto, kendo kupako Nyasaye gi wende zaburi kwero wende kitabu kod wende chuny ka ugoyo ni Nyasaye erokamano e chunyu.

Jo-Kolosai 4:6

Neuru ni wecheu obed mangʼwon man-gi ndhandhu kinde duto, mondo ungʼe kaka dudwoki ngʼato angʼata wach e yo mowinjore.