Ngeche 18:14 - Motingʼo Loko Manyien

¹⁴ Chuny ngʼato sire e tuo, to chuny mool, en ngʼa manyalo konyo?

MUMA MALER 2015

¹⁴ Chuny man gi chir ema konyo ng’ato ka tuo. To ka chuny ng’ato ool to konye tek.

Ngeche 18:14 ပူးပေါင်းရင်းမြစ်များ

Ayub 6:4

Aserni mag Jehova Nyasaye Maratego osechwoyo denda, ringra opongʼ gi kwiri marach ma asernigo okelo; kendo masiche mag Nyasaye olwora koni gi koni.

Zaburi 109:22

Nimar adhier kendo achando, kendo chunya winjo marach e iya.

Zaburi 147:3

Ochango joma chunygi tuo kendo othiedho adhondegi.

Zaburi 55:3

Ka awinjo dwond wasika, kendo ka joma timbegi richo okwarona wengegi, nikech gimiyo abedo gi thagruok kendo giyanya ka gin gi mirima.

Zaburi 55:5

Aluor kendo denda tetni; kibaji ogoya matek.

Wuok 6:9

Musa nodwoko ni jo-Israel wechegi, to kata kamano ne ok giwinje nimar chunygi nonyosore nikech tich mapek mar bedo wasumbini.

Ngeche 15:13

Chuny mamor miyo wangʼ bedo gi mor, to chuny mokuyo miyo dhano bedo mool.

Ngeche 17:22

Chuny mamor en yath maber, to chuny mool tuoyo choke.

2 Jo-Korintho 1:12

Koro ma e sunga marwa: Chunywa miyowa ratiro ni wasedak e pinyni, to moloyo e winjruok marwa kodu, ka waluoro Nyasaye kendo ka wawuotho e ler mar adier. Ok wasedak kamano nikech waluwo rieko mar pinyni, to nikech ngʼwono mar Nyasaye.

2 Jo-Korintho 2:7

Sani koro nyaka uwene richone kendo uhoye, mondo kik kuyo mareno nege.

Jakobo 1:2

Jowetena ka uyudo tembe mayoreyore to kwanreuru ka johawi kendo beduru gi mor mar adier

1 Petro 1:6

Beduru mamor kuom wachni, kata obedo ni sani pod uneno sand mopogore opogore kuom kinde matin.