Ngeche 17:6 - Motingʼo Loko Manyien

⁶ Nyikwayo gin osimbo ne joma oti, to jonywol e mor mar nyithindgi.

MUMA MALER 2015

⁶ Jodongo mor gi nyikwagi, mana kaka yawuowi mor gi wuonegi.

Ngeche 17:6 ပူးပေါင်းရင်းမြစ်များ

Chakruok 48:11

Israel mowachone Josef niya, “Ne ok apar mar neno wangʼi kendo to koro Nyasaye oseyiena maneno nyaka nyithindi bende.”

Chakruok 50:23

Kendo noneno nyikwa Efraim nyaka tiengʼ mar adek. Bende noneno nyithind Makir wuod Manase kinywolo mokwanogi ka nyithinde.

1 Ruodhi 11:12

Kata kamano, ok abi time e kindeni, nikech Daudi wuonu. To abiro poge e kinde wuodi.

1 Ruodhi 15:4

To kata kamano nikech Daudi, Jehova Nyasaye ma Nyasache nomiye taya Jerusalem koyiero wuode mondo okaw lochne kendo oket Jerusalem obed motegno.

Wuok 20:12

Luor wuonu gi minu mondo udagi amingʼa e piny ma Jehova Nyasaye ma Nyasachu miyou.

Ngeche 13:22

Ngʼat maber weyo mwandu ne nyithind nyithinde, to mwandu jaricho okan ni joma kare.

Ngeche 16:31

Lwar en osimbo mar duongʼ to iyude gi ngʼat man-gi ngima makare.

Malaki 1:6

Jehova Nyasaye Maratego wacho niya, “Wuowi miyo wuon mare luor kendo jatich bende timo kamano ne ruodhe. Omiyo ka an wuoro, to ere luor mowinjore koda? To ka an Ruoth, to ere luor mowinjore koda?” “Yaye, jodolo, un ema ujaro nyinga. “To upenjo ni, ‘Ere kaka wajaro nyingi?’