Ngeche 17:24 - Motingʼo Loko Manyien

²⁴ Ngʼat mariek keto rieko mondo otel, to wenge ngʼat mofuwo bayo nyaka giko piny.

MUMA MALER 2015

²⁴ Ng’at mariek keto chunye pile mondo odwar rieko. Ng’at mofuwo to jahubagabaga.

Ngeche 17:24 ပူးပေါင်းရင်းမြစ်များ

Zaburi 119:37

Gol wangʼa oko kuom gik manono; rit ngimana kaluwore gi wachni.

Ngeche 14:6

Ngʼat ma jasunga nyalo dwaro rieko to ok oyud gimoro, ngʼeyo tiend wach to biro mayot ne ngʼat ma ongʼeyo pogo tiend weche.

Ngeche 15:14

Chuny mongʼeyo pogo tiend weche dwaro ngʼeyo, to dho ngʼat mofuwo chamo fuwo.

Ngeche 17:25

Wuowi mofuwo kelo kuyo ni wuon mare kod chuny lit ne ngʼat mane onywole.

Ngeche 23:5

Ngʼi mwandu mana matin nono, to bangʼe gidhi, nimar adiera gibiro bedo gi bwombe, kendo gifu gidhi e kor polo ka ongo.

Eklesiastes 2:14

Ngʼatno man-gi rieko neno kuma odhiye, to ngʼama ofuwo to wuotho e mudho, to kata kamano ne afwenyo ni gimoro achiel ema timore ni ji ariyogi.

Eklesiastes 6:9

Ber bedo mamor gi gik ma in-go moloyo bedo gi gombo kuom gima iongego. Ma bende en gima onge tiende kendo ochalo mana kalawo bangʼ yamo.

Eklesiastes 8:1

En ngʼa machalo gi ngʼama nigi rieko matut? En ngʼa mongʼeyo wacho tiend gik moko? Rieko miyo ngʼato bedo mamor kendo otieko ich wangʼ ma en-go.

Johana 7:17

Ka ngʼato oyiero mar timo dwach Nyasaye, to obiro ngʼeyo ka bende puonjna oa kuom Nyasaye adier, kata ka awacho mana wechena awuon.

1 Johana 2:16

Nimar gik moko duto manie piny, kaka gombo mar wangʼ kendo gombo mar ringruok kod sunga ma ji sungorego kuom gik ma gin-go, ok aa kuom Wuoro, to gin mana mag pinyni.