Ngeche 17:21 - Motingʼo Loko Manyien

²¹ Bedo gi ngʼat mofuwo kaka wuowi kelo kuyo; onge mor ni wuoro ma wuon ngʼat mofuwo.

MUMA MALER 2015

²¹ Wuon wuowi mofuwo yudo kuyo. Adier, oonge gi mor.

Ngeche 17:21 ပူးပေါင်းရင်းမြစ်များ

Chakruok 26:34

Kane Esau ja-higni piero angʼwen, nokendo Judith nyar Beeri ma ja-Hiti, kod Basemath nyar Elon ma ja-Hiti.

2 Samuel 18:33

Ruoth nobwok motetni. Noidho malo e ot man ewi rangach mi oywak. Noywak kowacho niya, “Yaye wuoda Abisalom, wuoda, wuoda Abisalom! Onego an ema ne atho kari, yaye Abisalom wuoda, wuoda!”

Ngeche 10:1

Ngeche mag Solomon: Wuowi mariek kelo mor ni wuon mare, to wuowi mofuwo miyo min mare chuny lit.

Ngeche 15:20

Wuowi mariek miyo wuon mare mor, to ngʼat mofuwo chayo min mare.

Ngeche 17:25

Wuowi mofuwo kelo kuyo ni wuon mare kod chuny lit ne ngʼat mane onywole.

Ngeche 19:13

Wuowi mofuwo kelone wuon mare masira, to dhako maralep chalo gi kodh ajiki.

2 Jo-Korintho 2:3

Mano emomiyo ne andikonu kamano, mondo kane abiro iru to kik umiya kuyo un monego umiya mor. Nikech angʼeyo malongʼo chuth ni ka amor eka un duto bende umor.

3 Johana 1:4

Onge gima mora moloyo winjo ni nyithinda wuotho e adiera.

1 Samuel 8:3

To yawuotego ne ok oluwo timbene. Ne gibaro kuom dwaro mwandu malangʼ kendo ka gikawo asoya bende ka gingʼado bura marach.