Ngeche 17:17 - Motingʼo Loko Manyien

¹⁷ En adier ni osiepni nyalo heri kinde duto, to owadu ema konyi e chandruok.

MUMA MALER 2015

¹⁷ En adier ni osiepni nyalo heri kinde duto, to owadu ema konyi e chandruok.

Ngeche 17:17 ပူးပေါင်းရင်းမြစ်များ

2 Samuel 1:26

Aywagi malit, Jonathan omera; ne ageni ahinya. Herani koda ne lich miwuoro, moloyo hera mar mon.

2 Samuel 15:21

To Itai nodwoko ruoth niya, “Akwongʼora gi nying Jehova Nyasaye mangima kendo akwongʼora ni ruodha ma en ruoth ni kamoro amora ma ruodha ma en ruoth nobedie, bed ni en kar ngima kata kar tho, to kanyo bende ema jatichni nobedie.”

Esta 4:14

To nikech ka ilingʼ e kinde ma kama, to jo-Yahudi noyud resruok e yo moro machielo, to in kod jood wuonu notieku. To ngʼama dingʼe ni ne ibiro e od ruoth e sa ma kama mana ni mondo ikonywa?”

Ngeche 16:28

Ngʼat ma timbene richo kelo mana miero, to jakwoth pogo osiepe moherore.

Ngeche 18:24

Ngʼat man-gi osiepe mangʼeny nyalo chopo e kethruok to nitie osiep moro masiko buti machiegni maloyo owadu.

Ngeche 19:13

Wuowi mofuwo kelone wuon mare masira, to dhako maralep chalo gi kodh ajiki.

Ngeche 19:7

Ngʼat ma jachan wedene duto kwede, osiepene to noringe maromo nadi! Kata bed notemo sayogi onge kama doyudgie.

Jo-Hibrania 2:11

Jal mamiyo ji bedo maler, kaachiel gi ji duto moseloki odoko jomaler, gin nyithind ngʼat achiel. Kuom mano Yesu ok oluor mar luongogi ni owetene,

Ruth 1:16

Ruth nodwoke niya “We chuna mondo aweyi kata apogra kodi. Kuma idhiyo ema an bende abiro dhiye, kendo kama idakie ema abiro dakie. Jogi ema nobed joga kendo Nyasachi ema nobed Nyasacha.

1 Samuel 18:3

Jonathan nokwongʼore gi Daudi nikech ne ohere mana kaka oherore owuon.

1 Samuel 19:2

mi nosieme niya, “Tangʼ, Saulo wuora manyo yo ma donegigo. Omiyo kiny gokinyi dhiyo ipondi kendo bed mana kuno.

1 Samuel 19:3

Abiro dhi oko kendo anachungʼ but wuora machiegni gi kama ipondoeno. Abiro wuoyo kode kuomi kendo abiro nyisi gima ayudo.”

1 Samuel 20:17

Omiyo Jonathan noketo Daudi mochako ojiwo kwongʼruokne nikech nohere, nimar nohere mana kaka oherore owuon.

1 Samuel 23:16

To Jonathan wuod Saulo nodhi Horesh ir Daudi mokonye koduogo chunye mondo oyud teko moa kuom Nyasaye.