Ngeche 17:14 - Motingʼo Loko Manyien

¹⁴ Chako dhawo chalo gimuko yawo, emomiyo we wach kapok dhawo owuok.

MUMA MALER 2015

¹⁴ Chakruok mar miero chalo gi pi mochako chuer, omiyo nyaka geng’e ka pok omwomo.

Ngeche 17:14 ပူးပေါင်းရင်းမြစ်များ

2 Samuel 19:41

Piyo piyo nono jo-Israel nobiro ir ruoth mi giwachone niya, “Angʼo manomiyo owetewa ma jo-Juda, kelo ruoth lingʼ-lingʼ gi joode loka aora Jordan, kaachiel gi joge duto?”

2 Weche mag Ndalo 13:17

Abija kod joge nonegogi malich ahinya ma joma nohinyore kuom jo-Israel marateke moyier ne gin ji alufu mia abich.

2 Weche mag Ndalo 28:6

Kuom odiechiengʼ achiel Peka wuod Remalia nonego jolweny mag Juda alufu achiel nikech Juda nosejwangʼo Jehova Nyasaye, ma Nyasach kweregi.

Ngeche 13:10

Sunga nywolo mana dhawo, to rieko iyudo kuom jogo moyie puonj.

Ngeche 14:29

Ngʼat ma terore mos nigi winjo, to ngʼatno ma iye wangʼ piyo nyiso fupe.

Ngeche 15:1

Dwoko wach mamuol kweyo mirima, to wach makwiny jimbo ich wangʼ.

Ngeche 16:32

Ngʼat ma terore mos ber moloyo jalweny, ngʼat makweyo mirimbe ber moloyo ngʼat mamonjo dala maduongʼ.

Ngeche 17:19

Ngʼat mohero dhawo ohero richo; ngʼat mogero ohinga mabor kelo mana hinyruok.

Ngeche 19:11

Ngʼat mariek iye ok wangʼ piyo; oyudo duongʼ kuom weyo wach ma ok odewo ketho.

Ngeche 20:3

Enobed luor maduongʼ ne ngʼatno ma dagi dhawo, to joma ofuwo duto ohero dhawo.

Ngeche 25:8

Gima wangʼi oseneno kik ikel mapiyo kirikni e nyim od bura; nimar ibiro timo angʼo achien ka jabuti oketi e wichkuot?

Ngeche 26:21

Kaka makaa miyo mach ngʼangʼni, to yien bende miyo mach liel, e kaka ngʼat makwiny kelo miero.

Ngeche 29:22

Ngʼat ma iye owangʼ kelo masira, to ngʼat makecho piyo timo richo mathoth.

Jo-Rumi 12:18

Ka nyalore, to temuru mondo udag gi kwe gi ji duto.

1 Jo-Thesalonika 4:11

Dwaro maduongʼ mar ngimau onego obed ni mondo udag e ngima mokwe, ka urango mana tijeu kende, kendo kutiyo matek gi lwetu mana kaka ne wachikou,