Ngeche 16:7 - Motingʼo Loko Manyien

⁷ Ka yore ngʼato moro Jehova Nyasaye, to omiyo kata wasike dak kode gi kwe.

MUMA MALER 2015

⁷ Ka Ruoth Nyasaye mor gi ng’ato kod timne, to ng’atno nyalo miyo koda ka wasike lokre osiepene.

Ngeche 16:7 ပူးပေါင်းရင်းမြစ်များ

Chakruok 27:41

Esau nomako sadha gi Jakobo nikech gweth mane wuon-gi osemiyo Jakobo. Nowacho e chunye niya, “ndalo mag tho wuora chiegni, bangʼe abiro nego Jakobo owadwa.”

Chakruok 32:28

Eka ngʼatno nowacho niya, “Nyingi ok nochak oluongi ni Jakobo, to noluongi ni Israel nikech ise ii gi Nyasaye kod ji mi iseloyo.”

Chakruok 33:4

To Esau noringo oromone Jakobo mokwake; nokwako ngʼute kendo onyodhe mine giywak giduto.

2 Weche mag Ndalo 17:10

Luoro mar Jehova Nyasaye nomako pinyruodhi mag pinje molworo Juda, omiyo ne ok gitugo lweny kod Jehoshafat.

2 Weche mag Ndalo 20:30

Kamano pinyruoth Jehoshafat ne nigi kwe nikech Nyasache nomiye yweyo kuonde duto.

Ezra 8:36

Bende ne gitero chike mane ruoth ochiwo ni jotend gwenge kod jotend Yufrate, bangʼe negichiwo kony ni ji kod ni od Nyasaye.

Zaburi 69:31

Mano biro miyo Jehova Nyasaye mor moloyo rwadh pur, moloyo rwath mabwoch man-gi tungene kod ombongʼne.

Wuok 3:21

“Bende anami jo-Misri bed gi ngʼwono kuom jogi, mondo ka uwuok to ok unua gi lwetu nono.

Ngeche 16:8

Ber bedo gi matin kod tim makare, moloyo mangʼeny kod tim ma ok kare.

Ngeche 3:17

Yorene gin yore mag mor kendo yorene duto gin mag kwe.

Jeremia 15:11

Jehova Nyasaye nowacho, “Adier anaresi gi gima omiyo maber; adier anami wasiki sayi, e kinde mag masira kod kinde mag thagruok.

Jeremia 39:12

“Kawe kendo irite; kik ihinye to timne gimoro amora mokwayo.”

Jeremia 42:12

Anatimnu ngʼwono mondo omi en bende ongʼwonnu kendo odwoku e pinyu.’

Daniel 1:9

Nyasaye nosemiyo jatelo maduongʼ obedo mangʼwon gi Daniel,

Jo-Rumi 8:31

Koro en angʼo ma wanyalo wacho kuom wachni? Ka Nyasaye en jakorwa, to en ngʼa ma diked kodwa mi lowa?

Jo-Filipi 4:18

To kaka koro Epafrodito osekelona kony manyocha uorego, koro aseyudo mich moroma, kendo mokalo dwarona. Mich mumiyagi dungʼ tik mamit mana ka misango ma Nyasaye oyiego kendo mamore.

Jo-Kolosai 1:10

Bende walamo kamano mondo udag e ngima ma Ruoth morgo, ka umiye mor e yore duto, kendo unyago olemo mag timbe mabeyo bende ka umedo bedo gi ngʼeyo Nyasaye.

Jo-Kolosai 3:20

Un nyithindo, luoruru jonywolu e gik moko duto, nikech mano ema longʼo ni Ruoth.

Jo-Hibrania 13:21

olosu udok makare chuth, kutimo timbe mabeyo duto mondo eka utim dwarone. Mad oloswa mi wachal kaka odwaro, kuom Yesu Kristo, monego oyud duongʼ nyaka chiengʼ! Amin.

1 Petro 3:13

Ere ngʼama dihinyu ka uikoru mar timo gima ber?

1 Johana 3:22

To wayudo koa kuome, gimoro amora mwakwaye nikech wamako chikene kendo watimo gik mamore.