Ngeche 16:32 - Motingʼo Loko Manyien

³² Ngʼat ma terore mos ber moloyo jalweny, ngʼat makweyo mirimbe ber moloyo ngʼat mamonjo dala maduongʼ.

MUMA MALER 2015

³² Herruok ber moloyo doko ratego. Ng’at moritore owuon yudo duong’ moloyo ng’ama kawo dala maduong’.

Ngeche 16:32 ပူးပေါင်းရင်းမြစ်များ

2 Ruodhi 5:12

Aore man Damaski ma gin Abana kod Farpar, donge beyo moloyo aore mag Israel? Donge ne anyalo lwokora e aorego mi achangi?” Omiyo nodok ka iye owangʼ.

Zaburi 103:8

Jehova Nyasaye kecho ji kendo ongʼwon, iye ok wangʼ piyo kendo en gihera mangʼeny.

Ngeche 14:29

Ngʼat ma terore mos nigi winjo, to ngʼatno ma iye wangʼ piyo nyiso fupe.

Ngeche 15:18

Ngʼat ma iye wangʼ piyo medo miero, to ngʼat ma terore mos kweyo dhawo.

Ngeche 16:19

Ber bedo gi chuny mobolore e dier jochan, moloyo pogo gik moyaki gi josunga.

Ngeche 16:31

Lwar en osimbo mar duongʼ to iyude gi ngʼat man-gi ngima makare.

Ngeche 16:33

Igoyo ombulu mondo ongʼe gima ditim, to kuom ngʼado weche duto Jehova Nyasaye ema tieko.

Ngeche 19:11

Ngʼat mariek iye ok wangʼ piyo; oyudo duongʼ kuom weyo wach ma ok odewo ketho.

Ngeche 25:15

Horuok mos nyalo loko chuny ruoth, to lep mamuol nyalo toyo chogo.

Ngeche 25:28

Mana kaka dala maduongʼ ma ohingane omukore mogore piny e kaka ngʼatno ma ok nyal ritore owuon.

Eklesiastes 7:8

Giko mar gimoro ber moloyo chakruokne kendo bedo mos ber moloyo sunga.

Eklesiastes 7:9

Kik ibed ngʼama chwanyore piyo e chunye; nikech joma ofuwo ema timo kamano.

Jo-Rumi 12:21

Kik uyie richo lou, to louru richo gi tim maber.

Jo-Efeso 5:1

Kaka un nyithind Nyasaye mohero, temuru mondo ubed machal kode,

Jakobo 1:19

Jowetena mageno, winjuru wachni malongʼo ni: Ji duto onego bed mapiyo e winjo wach, kik urikni e wuoyo kendo kik ubed joma igi wangʼ piyo,

Fweny 3:21

Ngʼat molocho anami thuolo mar bedo koda e kom duongʼna mana kaka an bende kane aselocho ne abedo gi wuora e kom duongʼne.