Ngeche 16:2 - Motingʼo Loko Manyien

² Yore duto mag dhano nenorene ni longʼo, to Jehova Nyasaye ema ongʼeyo mopondo mag chuny.

MUMA MALER 2015

² Ng’ato nyalo paro ni gik moko duto motimo ni kare, to Ruoth Nyasaye ema pimo paro mar dhano.

Ngeche 16:2 ပူးပေါင်းရင်းမြစ်များ

Zaburi 36:2

Nikech chunye wuonde kendo owuondore kende, chunye wuonde ma ok onyal neno richone mosin-go.

Ngeche 12:15

Yor ngʼat mofuwo nenorene ni nikare, to ngʼat makare chiko ite ne puonj.

Ngeche 16:25

Nitie yo manenore ne dhano ni nikare, to gikone otero mana ngʼato e tho.

Ngeche 17:3

Dhahabu gi fedha itemo gi mach, to Jehova Nyasaye ema temo chuny.

Ngeche 21:2

Yore duto mag dhano nenorene ni nikare, to Jehova Nyasaye ema pimo chuny.

Ngeche 24:12

Ka iwacho niya, “Ne ok wangʼeyo gimoro kuom wachni,” donge ngʼatno mapimo chuny dhano ongʼeyo wachno? Donge ngʼat morito kendo ngʼiyo ngimani ongʼeyogo? To donge obiro chulo ngʼato ka ngʼato mowinjore gi timbene?

Ngeche 30:12

jogo ma paro giwegi ni giler to ok osepwodhgi kuom kethruokgi;

Ngeche 5:21

Yore mag dhano nenore ratiro e nyim Jehova Nyasaye, kendo onono kamoro amora ma odhiyoe.

Isaya 26:7

Yor joma kare opie, yaye in Jal makare, iloso yor joma kare bedo maber.

Jeremia 17:10

“An Jehova Nyasaye ema anono chuny kendo apimo paro, mondo achiwne ngʼato kaluwore gi timne, kendo kaluwore gi kaka kite chalo.”

Daniel 5:27

“Tekel: Osepimi e ratil moyudi ni irem.

Kwan 22:32

Malaika mar Jehova Nyasaye nopenje niya, “Angʼo momiyo isechwado pundani nyadidek? Abiro mondo agengʼi nikech yoreni obam e nyima.

Luka 16:15

Nowachonegi niya, “Un ema utimoru joma kare e wangʼ ji, to Nyasaye ongʼeyo chunyu. Gima okaw ni ber ahinya gi ji, kuom Nyasaye en gima kwero.

Fweny 2:18

“Ndik ne malaika morito kanisa man Thuatira kama: Magi e weche mag Wuod Nyasaye ma wengene chalo gi mach makakni bende tiendene chal ka mula mapakni.

Fweny 2:23

Nyithinde bende abiro nego, mi kanise biro ngʼeyo ni An ema angʼeyo chunje gi paro mag ji bende ni anapog ngʼato ka ngʼato kaka tichne chalo.

Jong’ad Bura 17:6

E kindeno Israel ne onge ruoth; kendo ngʼato ka ngʼato ne timo kaka ohero.

Jong’ad Bura 7:6

Ji mia adek nogado pi gi lwetgi. Jogo modongʼ nogoyo chonggi piny mondo gimodhi.

1 Samuel 16:7

To Jehova Nyasaye nowachone Samuel niya, “Kik ingʼi ber mar dende kata borne nikech asedage. Jehova Nyasaye ok ngʼi gik ma dhano ngʼiyo. Dhano ngʼiyo ber ma oko, Jehova Nyasaye to ngʼiyo chuny.”

1 Samuel 2:3

“Weuru siko ka uwuoyo gi sunga ahinya, kata weyo dhogi wuoyo gi ngʼayi, nikech Jehova Nyasaye en Nyasaye mongʼeyo nimar en ema onono timbe.