Ngeche 16:16 - Motingʼo Loko Manyien

¹⁶ To ber maromo nade yudo rieko moloyo dhahabu, yiero ngʼeyo tiend wach moloyo fedha!

MUMA MALER 2015

¹⁶ Mano kaka yudo rieko gi ng’eyo, ber, moloyo yudo fedha gi dhahabu.

Ngeche 16:16 ပူးပေါင်းရင်းမြစ်များ

Zaburi 119:127

Nikech ahero chikeni moloyo dhahabu, kendo moloyo dhahabu maler mogik,

Ngeche 2:4

to ka idware ka fedha kendo imanye ka mwandu mopandi,

Ngeche 3:13

En jahawi ngʼatno moyudo rieko, ngʼatno man-gi winjo,

Ngeche 3:14

nimar en gohala moloyo fedha kendo okelo gik mabeyo moloyo dhahabu.

Ngeche 4:5

Yud rieko kod ngʼeyo matut, wiyi kik wil kod wechena kata weyogi.

Ngeche 4:7

Rieko nigi duongʼ moloyo, omiyo yud rieko. Kata obedo ni mwanduni duto nyalo rumo, to bed gi winjo tiend wach.

Ngeche 8:19

Olemba ber moloyo dhahabu maber, gino machiwo oloyo fedha moyier.

Eklesiastes 7:12

Rieko en tipo mana kaka pesa bende en tipo, nimar rieko kelo ngima ni ngʼama ni kode.

Mathayo 16:26

Koso en ber mane ma ngʼato yudo ka piny duto obedo mare to ngimane to olalne? Koso en angʼo ma ngʼato dichiw mondo owil gi ngimane?

Luka 12:21

“Mano e kaka nobed gi ngʼato angʼata mokano gik moko ne en owuon to ok omew e yor Nyasaye.”