Ngeche 15:31 - Motingʼo Loko Manyien

³¹ Ngʼat machiko ite kikwere biro bedo thuolo e kind joma riek.

MUMA MALER 2015

³¹ Ng’at ma chiko ite kikwero bedo e kanyakla mar joma riek.

Ngeche 15:31 ပူးပေါင်းရင်းမြစ်များ

Ngeche 15:5

Ngʼat mofuwo chayo kum mar wuon mare, to ngʼat mawinjo ka ikwere nyiso rieko.

Ngeche 25:12

Mana kaka tere mar dhahabu kata tigo mar dhahabu maber e kaka siem mar ngʼat mariek mokwerogo ngʼat machiko ite.

Ngeche 19:20

Chik iti ka ingʼadoni rieko kendo rwak puonj, to giko ni inibed mariek.

Ngeche 13:20

Ngʼat mawuotho gi ngʼama riek bedo mariek, to osiep joma ofuwo hinyore.

Ngeche 1:23

Ka dine uwinj siem mara, dine abedo kodu thuolo, kendo damiyo ungʼeyo pacha.

1 Johana 2:19

Chutho, jogi ne oa irwa to ne ok gin jowa. Nikech ka dine gin jowa to dine gisiko kodwa, nimar dhigino nyiso malongʼo ni onge kata ngʼato achiel kuomgi mane ngʼatwa.

Isaya 55:3

Chik iti kendo ibi ira, winj gima awacho mondo chunyi obed gi kwe. Abiro loso singruok mosiko kod herana mar adier mane asingone Daudi.

Ngeche 15:30

Neno mamor kelo mor ni chuny, to wach maber miyo choke bedo gi ngima.

Ngeche 15:32

Ngʼat ma ok dew kum ochayore owuon, to ngʼat mawinjo kikwere medo winjo wach.

Ngeche 18:15

Chuny ma weche donjone yudo ngʼeyo; to it mariek dwaro mondo weche odonjne.

Eklesiastes 7:5

Ber mondo ichik iti ne siem ngʼat man-gi rieko, moloyo chiko iti ne wend joma ofuwo.

Ngeche 13:18

Ngʼat modagi siem nwangʼo dhier kod wichkuot, to ngʼato angʼata mawinjo kikwere to yudo duongʼ.