Ngeche 15:30 - Motingʼo Loko Manyien

³⁰ Neno mamor kelo mor ni chuny, to wach maber miyo choke bedo gi ngima.

MUMA MALER 2015

³⁰ Wang’ mamor duogo chuny, kendo wach maber miyo del bedo mangima.

Ngeche 15:30 ပူးပေါင်းရင်းမြစ်များ

Ezra 9:8

“To koro sani, kuom kinde matin, Jehova Nyasaye ma Nyasachwa osebedo jangʼwono moweyonwa joma otony kendo omiyowa kama wanyalo dakie e kari maler mar lemo. Isedwogo chunywa, kendo iweyonwa thuolo mondo dendwa oduogi e twech ma wantiereni.

Zaburi 89:15

Ogwedh joma osepuonjore goyoni sigio mar mor, jogo mawuotho buti e lerni, yaye Jehova Nyasaye.

Ngeche 12:25

Chuny maparore miyo ngʼato bedo mool, to wach mamuol jiwe.

Ngeche 13:9

Ler mar ngʼat makare rieny maler, to taya mar ngʼat marach inego.

Ngeche 15:29

Jehova Nyasaye bor gi ngʼat ma timbene richo, to owinjo lamo mar ngʼat makare.

Ngeche 15:31

Ngʼat machiko ite kikwere biro bedo thuolo e kind joma riek.

Ngeche 17:22

Chuny mamor en yath maber, to chuny mool tuoyo choke.

Ngeche 25:25

Mana kaka pi mangʼich chalo ne chuny mool, e kaka wach maber moa e piny mabor chalo.

Ngeche 3:8

Tim ma kamano nomi ringri bedo gi ngima kendo nobed chiemo ne chunyi.

Eklesiastes 11:7

Ler ber kendo omiyo wangʼ neno maber.

Isaya 58:11

Jehova Nyasaye notelnu ndalo duto, obiro chopo dwarou e piny motwo, kendo motimo ongoro mi enomi dendu bed mojingʼ. Unuchal mana ka puodho mayudo pi maber, kendo ka soko ma pige ok rum.

Fweny 21:23

Dalano ok dwar chiengʼ kata dwe mondo orienyne, nikech duongʼ Nyasaye ema miye ler, kendo Nyarombo e tache.

Fweny 22:5

Otieno ok nobedie kendo ngangʼ bende ok ginidwar ler mar taya kata ler mar chiengʼ, nikech Ruoth Nyasaye ema nomigi ler. To ginibed gi loch nyaka chiengʼ.