Ngeche 15:18 - Motingʼo Loko Manyien

¹⁸ Ngʼat ma iye wangʼ piyo medo miero, to ngʼat ma terore mos kweyo dhawo.

MUMA MALER 2015

¹⁸ Ng’at ma iye wang’ piyo ero miero, to ng’at ma hore mos kelo kue.

Ngeche 15:18 ပူးပေါင်းရင်းမြစ်များ

2 Samuel 19:43

Eka jo-Israel nodwoko jo-Juda duto niya, “Wan dhoudi apar e loch Daudi, to ewi mano, wan gi ratiro maduongʼ kuom Daudi moloyou. Koro angʼo momiyo ujarowa kamano? Donge wan ema ne wakwongo paro wach mar duogo ruodhwa?” To kata kamano jo-Juda nobedo mager moloyo jo-Israel.

Ngeche 10:12

Sigu kelo miero, to hera umo maricho duto.

Ngeche 14:29

Ngʼat ma terore mos nigi winjo, to ngʼatno ma iye wangʼ piyo nyiso fupe.

Ngeche 15:1

Dwoko wach mamuol kweyo mirima, to wach makwiny jimbo ich wangʼ.

Ngeche 15:19

Yor jasamuoyo olor gi kuthe, to yor ngʼat moriere tir en yo malach.

Ngeche 16:14

Mirimb ruoth en jaote mar tho, to ngʼat mariek biro hoye.

Ngeche 16:28

Ngʼat ma timbene richo kelo mana miero, to jakwoth pogo osiepe moherore.

Ngeche 22:24

Kik imak osiep gi ngʼat ma iye wangʼ piyo; kik iriwri bende gi ngʼatno makecho piyo,

Ngeche 25:15

Horuok mos nyalo loko chuny ruoth, to lep mamuol nyalo toyo chogo.

Ngeche 26:21

Kaka makaa miyo mach ngʼangʼni, to yien bende miyo mach liel, e kaka ngʼat makwiny kelo miero.

Ngeche 28:25

Ngʼat ma jawuoro thoro kelo miero, to ngʼat mogeno kuom Jehova Nyasaye biro dhiyo maber.

Ngeche 29:22

Ngʼat ma iye owangʼ kelo masira, to ngʼat makecho piyo timo richo mathoth.

Eklesiastes 10:4

Ka ruoth okecho kodi, to kik iwe tiji mitiyono; nimar kibolori to ruoth nyalo ngʼwononi kuom kethogi mangʼeny.

Mathayo 5:9

Joma kelo kwe gin joma ogwedhi, nimar noluong-gi ni nyithind Nyasaye.