Ngeche 15:14 - Motingʼo Loko Manyien

¹⁴ Chuny mongʼeyo pogo tiend weche dwaro ngʼeyo, to dho ngʼat mofuwo chamo fuwo.

MUMA MALER 2015

¹⁴ Ng’at ma weche donjone dwaro puonjruok, to joma ofuwo mor amora gi fupe.

Ngeche 15:14 ပူးပေါင်းရင်းမြစ်များ

Zaburi 119:100

Wach donjona moloyo jodongo machon nimar arito chikeni.

Zaburi 119:97

Yaye, mano kaka ahero chikni! Aparo kuome odiechiengʼ duto.

Ngeche 1:5

Mad jomariek chik itgi mondo owinji kendo gimedgi e puonjruokgi, to jogo mongʼeyo pogo tiend wach mad oyud gino ma chikogi,

Ngeche 12:23

Ngʼat mariek orito ngʼeyone e iye, to chuny joma ofuwo wuoyo ma ok opimo.

Ngeche 15:15

Ndalo duto mag ngʼat mahinyore gin thagruok, to chuny mamor ni kod mor mosiko.

Ngeche 18:15

Chuny ma weche donjone yudo ngʼeyo; to it mariek dwaro mondo weche odonjne.

Ngeche 9:9

Puonj ngʼat mariek, to obiro bedo mariek moloyo, puonj ngʼat makare gimoro, to obiro medo puonjore.

Isaya 30:10

Giwachone jokor wach ni, “Kik une fweny moro amora kendo!” To ne jonabi, “Kik uchak unyiswa fweny moro amora makare!” Kornwauru mana weche mamorowa mag wuondruok.

Isaya 44:20

Ochamo buru, chunye mobam wuonde; ok onyal resore kende, kata wacho ni, “Donge gima ni e lweta korachwich ni miriambo?”

Hosea 12:1

Efraim geno gima onge, olawo yamb wuok chiengʼ odiechiengʼ duto, kendo omedo miriambo kod gero. Oketo winjruok gi Asuria kendo ooro mor zeituni ne jo-Misri.

Tich Joote 17:11

To jo-Berea ne nigi kido maber moloyo jo-Thesalonika, nikech negirwako wach gi chuny mamor, kendo neginono Ndiko pile ka pile, mondo gine ane ka gik mane Paulo wacho gin adier.

2 Petro 3:18

To dhiuru nyime kudongo e ngʼwono kod ngʼeyo ma un-go kuom Ruodhwa kendo Jawarwa Yesu Kristo. En ema oyud duongʼ tinende kendo nyaka chiengʼ! Amin.