Ngeche 14:7 - Motingʼo Loko Manyien

⁷ Bed mabor gi ngʼat mofuwo nimar ok iniyud ngʼeyo tiend wach e dhoge.

MUMA MALER 2015

⁷ Bed mabor gi joma ofuwo, nikech gionge gi gima digipuonji.

Ngeche 14:7 ပူးပေါင်းရင်းမြစ်များ

Ngeche 13:20

Ngʼat mawuotho gi ngʼama riek bedo mariek, to osiep joma ofuwo hinyore.

Ngeche 14:6

Ngʼat ma jasunga nyalo dwaro rieko to ok oyud gimoro, ngʼeyo tiend wach to biro mayot ne ngʼat ma ongʼeyo pogo tiend weche.

Ngeche 19:27

Kidagi chiko iti ne puonj in wuoda, to ibiro bayo mabor kuom weche mag ngʼeyo.

Ngeche 23:9

Kik iwuo ne ngʼat mofuwo, nikech obiro chayo rieko mag wechegi.

Ngeche 9:6

Weuru yoreu maonge rieko, eka unubed mangima, wuothuru e yor winjo kod ngʼeyo.

Jeremia 28:11

kendo nowacho e nyim ji duto niya, “Ma e gima Jehova Nyasaye wacho: ‘Mana e yo machalre gima ema anagolie jok mar Nebukadneza ruodh Babulon mane oketo e ngʼut ogendini kapok higni ariyo orumo.’ ” Bangʼ wacho ma, janabi Jeremia nochungo modhi.

1 Jo-Korintho 5:11

To koro andikonu mondo kik ubedi e kanyakla gi ngʼato angʼata maluongore ni owadu kuom Ruoth, to pod terore, kata ma jawuoro, kata malamo nyiseche manono, kata ma jaketh nying ji, kata ma jamer, kata ma jamecho. Ngʼat ma kamano kata chiemo kik uchiemgo.

Jo-Efeso 5:11

Kwedreuru chuth gi timbe mag mudho maonge ohala kendo hulgiuru e lela.