Ngeche 14:30 - Motingʼo Loko Manyien

³⁰ Chuny man-gi kwe kelo ngima ni ringruok, to nyiego towo choke.

MUMA MALER 2015

³⁰ Chuny mokue ema miyo del bedo mangima. Nyiego to chalo adhola ma ketho del.

Ngeche 14:30 ပူးပေါင်းရင်းမြစ်များ

1 Ruodhi 21:6

Nodwoke niya, “Nikech nawacho ni Naboth ja-Jezreel ni, ‘Yie iusna puothi mar mzabibu; to ka ok kamano, to anyalo miyi puoth mzabibu machielo kare.’ En to nodwoke ni, ‘Ok anamiyi puotha mar mzabibu.’ ”

Ayub 5:2

Ich wangʼ nego ngʼama ofuwo, kendo nyiego tieko ngʼama omingʼ.

Zaburi 112:10

Ngʼama timbene richo biro nene mi iye wangʼ, obiro mwodo lekene kendo obiro chiyore morum; gik ma ngʼama timbene richo gombo ni otimrene ok bi timorene ngangʼ.

Zaburi 119:80

Mad chunya bed maonge ketho, kuom rito chikeni, mondo kik ane wichkuot.

Ngeche 12:4

Dhako ma kite longʼo en osimbo mar chwore, to dhako ma timbene richo chalo gi nyamuoda manie choke.

Ngeche 15:13

Chuny mamor miyo wangʼ bedo gi mor, to chuny mokuyo miyo dhano bedo mool.

Ngeche 17:22

Chuny mamor en yath maber, to chuny mool tuoyo choke.

Ngeche 3:8

Tim ma kamano nomi ringri bedo gi ngima kendo nobed chiemo ne chunyi.

Ngeche 4:23

To moloyo duto, rit chunyi, nikech en e soko mar ngima.

Habakuk 3:16

Ne awinjo ma chunya noridore, dhoga nomoko kane awinjo kokono; chokena nonyosore kendo tiendena notetni. To kata kamano abiro rito ka ahora ni odiechieng masira mabiro mako oganda ma monjowa chopi.

Tich Joote 7:9

“Nikech kwerewago ne nyiego omako gi Josef, ne giuse kaka misumba ne jo-Misri. To nikech Nyasaye ne ni kode,

Jo-Rumi 1:29

Gipongʼ gi kit timbe mamono duto, gi richo, gi wuoro kod timbe mobam. Bende gipongʼ gi ich lit, gi nek, gi dhawo, gi wuond kod himruok. Gin jokuoth,

2 Timotheo 1:7

Nikech Nyasaye ne ok omiyowa chuny mar bedo ngoche, to nomiyowa chuny mar bedo gi teko, gihera kod ritruok.

Jakobo 4:5

Koso uparo ni muma wacho kayiem ni chuny Nyasaye moketo mondo odag eiwa nigi nyiego mager.