Ngeche 14:23 - Motingʼo Loko Manyien

²³ Tich matek duto kelo ohala, to wuoyo awuoya maonge tim kelo dhier.

MUMA MALER 2015

²³ Tich ema kelo chiemo. Thoro wach to kelo mana chan.

Ngeche 14:23 ပူးပေါင်းရင်းမြစ်များ

Ngeche 28:19

Ngʼat matiyo e puothe biro bedo gi chiemo mogundho, to ngʼat mabayo abaya biro bedo jachan mochwere.

Ngeche 12:24

Tich matek miyo ngʼato bedo gi duongʼ, to nyawo gikone en tich mar misumba.

Eklesiastes 5:3

Kaka lek biro ka nitie paro mathoth, e kaka weche mar ngʼama ofuwo bedo nikech weche mangʼeny.

Johana 6:27

Weuru tiyo ni chiemo marumo, to tiuru ni chiemo masiko nyaka chop uyud ngima mochwere, ma Wuod Dhano biro miyou. Nyasaye Wuoro oseketo kido mare kuome manyiso ni oyie kode.”

Ngeche 10:10

Ngʼat madiemo wangʼe giwuond kelo kuyo, to ngʼat mofuwo ma wachne ngʼeny dhi e kethruok.

1 Timotheo 5:13

To bende ewi mano, gibedo jo-samuoyo ma budho abudha, ka gibayo abaya e ute ji koni gi koni. Ok gibed mana jo-samuoyo ma budho abudha kende, to bende gibedo jokuoth ka gichuogore e weche ji mamoko kendo ka giwuoyo e weche ma ok onego giwuoye.

Ngeche 14:22

Donge jogo machano marach lal nono? To jogo machano gima ber yudo hera kendo imiyogi luor.

Ngeche 14:24

Mwandu jomariek e osimbo margi, to fup joma ofuwo nyago mana fuwo.

Ayub 28:10

Otucho kor lwanda; mi wengene ne mwandu duto manie kor gode.

Eklesiastes 3:9

En ohala mane ma jatich yudo kuom tich matek?