Ngeche 14:11 - Motingʼo Loko Manyien

¹¹ Od ngʼat marach ibiro ketho to kar dak mar ngʼat makare biro dhiyo nyime.

MUMA MALER 2015

¹¹ Od jaricho iketho, to od ng’at makare dhi nyime maber.

Ngeche 14:11 ပူးပေါင်းရင်းမြစ်များ

Ayub 15:34

Nikech riwruok mar joma ok lem ok nyal nyago gimoro kendo mach biro wangʼo hembe mag joma ohero asoya mitiek pep.

Ayub 18:21

Chutho mago e gik matimore ne joma timbegi richo mokia Nyasaye.”

Ayub 21:28

Uwacho niya, ‘Dak koro wane od ruodheno, hembe mane joma richo odakiego koro ere?’

Ayub 8:15

Koro ka giyiengore e mbuyi, to mbuyi dikonygi adier, ma ok oyiech? Koso ka gimako usi, to usi diresgi ma ok ochot.

Ayub 8:22

Wasiki biro rwako wichkuot ka law, kendo miech joma timbegi richo ok nochak one kendo.”

Ayub 8:6

kata ka dine in ngʼama ler kendo ngimani oriere tir, to dine oani malo mokonyi, kendo dine oduogi kari mowinjore kodi.

Zaburi 128:3

Chiegi nochal gi yiend mzabibu manyak maber e odi; nyithindi nochal gi chuny zeituni maloth e kinde ma gilworo mesa ka gichiemo.

Zaburi 37:10

Kinde matin nono to joma timbegi richo ok nobedie; kata obedo ni unumanygi to ok unuyudgi.

Ngeche 11:28

Ngʼatno mogeno kuom mwandune biro podho; to joma kare nodhi nyime mana ka oboke mangʼich.

Ngeche 12:7

Joricho osewiti kendo gilal nono, to od ngʼat makare osiko ogurore motegno.

Ngeche 15:25

Jehova Nyasaye muko od ngʼat masungore, to orito kiep dhako ma chwore otho ma ok omul.

Ngeche 21:12

Ngʼat Makare ongʼeyo od ngʼat ma timbene richo kendo otero ngʼat marach e kethruok.

Ngeche 21:20

Od ngʼat mariek opongʼ kod chiemo gi moo moyier, to ngʼat mofuwo chamo gik moko duto ma en-go.

Ngeche 3:33

Kwongʼ mar Jehova Nyasaye ni e od jaricho, to ogwedho dala ngʼat makare.

Zekaria 5:4

Jehova Nyasaye Maratego wacho ni, ‘Abiro ore mondo odonji e od jakuo kendo e od ngʼat makwongʼore gi miriambo gi nyinga. Kwongʼno nosik e udigo matiekgi nyaka kite mogerego duto.’ ”