Ngeche 13:5 - Motingʼo Loko Manyien

⁵ Ngʼat makare mon kod gima ok adiera, to joricho kelo wichkuot kod dwanyruok.

MUMA MALER 2015

⁵ Ng’at makare mon gi miriambo. Jaricho to wechene kuodo wich, kendo ojogo ji.

Ngeche 13:5 ပူးပေါင်းရင်းမြစ်များ

Zaburi 119:163

Asin kendo ajok gi miriambo, to ahero chikni.

Ngeche 13:4

Jasamuoyo dwaro gimoro gi chunye duto to ok oyud gimoro, to jakinda yudo gik moko duto modwaro.

Ngeche 18:3

Ka richo biro, e kaka achaya biro, to wichkuot kelo duwruok.

Ngeche 3:35

Joma riek yudo luor kaka girkeni to joma ofuwo enonyis wichkuotgi ayanga.

Ngeche 30:8

Mi wuond gi miriambo obed mabor koda; kik imiya chan kata mwandu, to miya mana chiemba mapile.

Ngeche 6:17

wenge mag sunga, lep mariambo, lwedo machwero remo maonge ketho,

Eklesiastes 3:8

kinde mar hera kod kinde mar sin, kinde mar lweny kod kinde mar kwe.

Ezekiel 20:43

Kanyo ema unuparie timbeu kod yoreu duto ma usedwanyorugo, kendo ok unubed mamor gi timbe mamono duto musetimo.

Ezekiel 36:31

Eka unupar yoreu kod timbeu maricho, kendo unucharu kendu nikech richou kod timbeu mamonogo.

Ezekiel 6:9

Eka joma otony nopara, ka gin e pinje mibiro terogie twech, kaka gisechwanya gi chunjegi mandhaga mosebaro oweya kendo gi wengegi ma gisegombogo nyiseche mopa. Gibiro hum gi kitgi giwegi kuom gik maricho magisetimo kendo kuom timbegi mamono duto.

Daniel 12:2

Ji mangʼeny mane osetho nochier ka moko kuomgi chier e ngima mochwere, to moko kuomgi nochier e wichkuot kod achaya mochwere.

Zekaria 11:8

E dwe achiel nariembo jokwath adekgo. Ne gijoga kendo ne asin kodgi

Jo-Efeso 4:25

Emomiyo, ngʼato ka ngʼato kuomu nyaka we miriambo duto kendo wach adiera ne nyawadgi, nikech wan duto wan fuond ringruok achiel.

Jo-Kolosai 3:9

Kik ngʼato kuomu wuond wadgi, nikech uselonyo kit dhano machon kod timbene duto,

Fweny 21:8

To joma luor, gi joma ok oyie kod jo-koko gi jonek kod joma terore, gi jojuogi gi joma lamo nyiseche manono kod jo-miriambo duto, kargi nobed mana ataro mar mach maliel mager, ma en tho mar ariyo!”

Jong’ad Bura 16:11

Nowachone niya, “Ka ngʼato otweya moridore gi tonde manyien mapok otiyo, to abiro bedo manyap machal gi ngʼato angʼata.”